05/08/2014

George and ieu

Pel primièr còp de ma vida, la dimenjada passada a Tolosa, soi dintrada dins un magasin establiment What else. S'avètz pas mai a far, un jorn, anatz i far un torn, aquò val l'enquista etnologica. Ja, quand dintratz, avètz tres tipes o filhas que se sarran, vestits de negre de cap en pè, per vos aculhir. Òm se diriá a cò de Boucheron plaça Vendôme a París. Après, cal anar crompar lo cafè en naut (sai pas se totes los establiments son en duplex, benlèu qu'es calculat que quand òm monta òm se'n crei mai). Tot aquel cinèma per de cafè molgut… Es de segond gra, non ? Sètz filmats per una version novèla de Las preciosas ridiculas ? O cal veire. Lo personal es de veire mas cal tanben agachar la practica. Lo melhor es que, en fin d'enquista, podètz beure un cafè a gratis. Avètz pas qu'a demandar de tastar tala o tala capsula de color. Puèi tornatz sortir de la farsa.
Espère pas qu'una causa : legir la visita de nòstre Monta-Mametas nacional a l'establiment de Montpelhièr.

1 commentaire:

Domenge Caucat a dit…

Òu Fadarèla que m'ofrís lo cafè als fraisses de las Americas! Qué de mai? Perdon, what else, coma dison.
D'acòrdi sul principi, que pas res arrèsta lo Montamametas! Mas, amb un tapanas e una berreta enfonçada fins a las aurelhas, una burquà, una cagola e non pas una cagòla, que conoisse de mond tot plen per lo Clapàs e vòle pas tombar de vergonha se n'i a que me veson. Sas coma son las gents...
Per o legir, serà quicòm mai, que me vene de trachar que mos blògs son engrunats. Capite pas pus d'i metre quicòm dedins. Benlèu que son demorats en vacanças, eles...