28/12/2014

En 2014

Avèm ajut de vòts en occitan, un president de drecha, Michaël Schumacher qu'es tombat en esquí,  Dieudonné que nos faguèt cagar, las femnas tunisianas valorizadas dins lor Constitucion, Kim Jong-Un (lo caluc de Corèa del Nòrd) qu'aviá ja fach fusilhar son amigueta, (benlèu) balhat son oncle als cans e que prometèt un desastre nuclear al monde, l'òrra bòria de 1000 vacas, los embestiaments judiciaris de Serge Dassault,  lo drech d'avortar menaçat en Espanha alara que la França festava los 40 ans de sa lei, la liberacion de Michaël Blanc, en preson en Indonesia dempuèi 14 ans per trafic de shit, los Ukrainians que nos an rementats qu'Euròpa èra un espaci democratic envejable, la lei sul non-cumul dels mandats per 2017, París que vegèt desfilar una poiridura antisemita, racista, omofòb, anti-republicana, violenta e fascista, Geneva 2 qu'assagèt de far discutir los òmes del president e los opausaires sirians, lo vòte, pels deputats, per la ratificacion de la Carta europenca de las lengas regionalas, Bill Watterson (Calvin e Hobbes) qu'agèt lo grand prèmi d'Angolèma, lo Senat que refusèt d'anar contra lo lobby dels OGM,  la Suissa que se barrèt del monde estrangièr per votacion populara, lo president d'Oganda que promulguèt una lei anti-gay, l'escac de Geneva 2 sus la Siria,  la liberacion de Ioulia Tymochenko en Ukraina, la disparicion de l'avion de la Malaysia airlines amb 239 personas dedins, Putine qu'afrabèt los acòrdis de l'après-guèrra-freja en fasquent tornar la Crimèa e Sebastopòl dins sa federacion russa, Robèrt Menard (FN) a Besièrs, la reeleccion de Patrick Balkany e sas caçairòlas a Levallois-Perret e de Jean-Claude Gaudin (75 ans) a Marselha, la Turquia que barrèt los malhums socials del país, l'eleccion d'una femna a París, Bouteflika (77 ans) per un 4en mandat en Algeria, la sortida dels ecologistas del governament francés, la mesa en plaça d'un SMIC en Alemanha, las balenas que ganhèron un tròç de drech de vida al Japon, los calucs de Dieu qu'embarrèron 200 dròllas al Nigèr, Le Pen lo Vièlh que diguèt, en tribuna, qu'Ebola reglariá nòstres problèmas d'immigracion, los embestiaments judiciaris d'Isabelle e Patrick Balkani, la SNCF que comandèt de trens tròp larges per mai d'una gara francesa, la montada dels partits de drecha extrèma en Euròpa, la Confederacion païsana qu'anèt desmargar la sala de molza de la boriassa de las 1000 vacas, l'afar Copé, Camille Lepage, jornalista tuada en Republica centrafricana, la refòrma territoriala,  lo Musèu Solatges a Rodés, l'abdicacion de Juan Carlos d'Espanha, la reeleccion de Bachar-lo-Maselièr en Siria,  la represa de la guèrra israelo-palestiniana, los calucs de guèrra que se'n prenguèron a un avion de linha en Ukraina, Israel que tuèt de civils dins la Banda de Gaza per se'n prene al Hamas, lo centenari de la mòrt de Jaurès, lo centenari de la Guèrra de 14,  los calucs de Dieu que decapitèron  James Foley, jornalista american de 40 ans en Siria,  l'epidèmia Ebola en Africa de l'oèst, los calucs de Dieu que decapitèron Steven Sotloff, jornalista american de 31 ans en Siria, David Haines, umanitari de 44 ans e Hervé Gourdel, torista francés en Algeria de 55 ans, l'assassinat de 43 estudiants-regents al Mexique, l'afar Thévenoud, l'Euròpa que repoteguèt contra la França sus l'afar dels nitratas dins l'agricultura, la condamnacion de Gaston Flosse, los Escosseses que manquèron de gaire lor independéncia, lo retorn de Sarkozy, la joinessa d'Hong-Kong que vòlguèt pas veire sos dreches recuolar, los calucs de Dieu que decapitèron Alan Henning, umanitari de 44 ans, lo papa Francés qu'assagèt de far bolegar las linhas sus la nocion de familha dins la Glèisa e suls notables de la Glèisa, dos Franceses prèmis Nobèl : Patrick Modiano (literatura) e Jean Tirole (economia), Kailash Satyarthi e Malala Yousafzai prèmi Nobèl de la Patz, Denis Mukwege, prèmi Sakharov, lo maselaire Bachar que faguèt pas res pels Kurdes de son país menaçats pels calucs de Dieu dins la vila de Kobane en Siria, lo vesin Erdongan lo Turc que se faguèt tanben tirar l'aurelha per daissar los Kurdes turcs anar defendre lors fraires sirians, escampilhant biais puzzle sas magras possibilitats de dintrar un jorn dins l'Euròpa, la reguitnada del pòble del Burkina Faso,  lo referendum sus l'avenidor de la Catalonhalas multinacionalas qu'escapèron al fisc gràcia al Luxembourg de Juncker (president de la Comission europenca), lo robòt Philæ de la sonda Roseta que se pausèt sus una comèta, los calucs de Dieu que decapitèron Peter Kassing, umanitari american en Siria de 26 ans, l'armada del Burkina Faso que daissèt lo poder a Kafando, la mòrt dels ostatges Luke Somers, jornalista american e Pierre Korkie, professor sud-african, al Yemen, la liberacion de Serge Lazarevic, ostatge francés al Mali, lo chaple fach per de Talibans dins una escòla del Pakistan (132 enfants mòrts sus 141 victimas), los USA e Cuba que se vòlon tornar amigadar, mai de 3500 migrants mòrts en Mediterranèa, 200 000 mòrts en Siria dempuèi 3 ans…


Son defuntats : Claudio Abbado, Pete Seeger, François Cavanna, Philip Seymour Hoffman, Paco de Lucía, Antoinette Fouque, René Teulade, Shirley Temple, Alain Resnais, Marc Blondel, Jacques Servier, Jacques Le Goff, Régine Deforges, Peter Matthiessen, Dominique Baudis, Gabriel García Márquez, Micheline Dax, Francesc Vallverdú, Léon Mercadet, Pierre Vassiliu, Pierre Bec, Hervé Cristiani, Robin Willians, Lauren Bacall, Ménie Grégoire, Antoine Duhamel, André Bergeron, Jean-Jacques Pauvert, Christophe de Margerie, Jean-Claude Duvalier, Marie Dubois, Oscar de la Renta, Manitas de Plata, Alexandre Grothendieck, Lucien Clergue, Jean-Marc Lech, la reina Fabiola dels Belges, Joe Cocker,  Jacques Chancel…

Decembre de 2014

• Vergonha a la mòrt dels ostatges Luke Somers, jornalista american e Pierre Korkie, professor sud-african, al Yemen.
• Òsca a la liberacion de Serge Lazarevic, ostatge francés al Mali.
• Vergonha al chaple fach per de Talibans dins una escòla del Pakistan (132 enfants mòrts sus 141 victimas).
• Òsca als USA e Cuba que se vòlon tornar amigadar.
• Vergonha a Ebola que contunha de far de mòrts en Africa.
• Vergonha a la mòrt qu'a pres Jean-Marc Lech, Joe Cocker e Jacques Chancel.

27/12/2014

Vilas vergonhosas

L'afar es simple : caçar los SDF de la vista dels crompaires dins un airal comercial. Aquò poiriá gastar lo plaser dels crompaires de fetge gras. Rescondre la misèria a pas jamai fach de ben a l'Umanitat.

30/11/2014

Novembre de 2014

• Òsca a l'organizacion d'un referendum sus l'avenidor de la Catalonha dins o fòra Espanha.
• Vergonha a las multinacionalas qu'escapan al fisc gràcia al Luxembourg de Juncker (president de la Comission europenca).
• Òsca al robòt Philæ de la sonda Roseta que s'es pausat sus una comèta.
• Vergonha als calucs de Dieu qu'an decapitat Peter Kassing, umanitari american en Siria de 26 ans.
• Òsca a l'armada del Burkina Faso qu'a daissat lo poder a un civil : Kafando.
• Vergonha a la mòrt qu'a pres Manitas de Plata, Alexandre Grothendieck e Lucien Clergue.

31/10/2014

Octobre de 2014

• Òsca a la joinessa d'Hong-Kong que vòl pas veire sos dreches recuolar.
• Vergonha als calucs de Dieu qu'an decapitat  Alan Henning, umanitari de 44 ans.
• Òsca al papa Francés qu'assaja de far bolegar las linhas sus la nocion de familha dins la Glèisa.
• Òsca a dos Franceses prèmis Nobèl : Patrick Modiano (literatura) e Jean Tirole (economia).
• Òsca a Kailash Satyarthi e Malala Yousafzai prèmi Nobèl de la Patz.
• Òsca a Denis Mukwege per son prèmi Sakharov.
• Òsca a Haïti que veirà pas pu Jean-Claude Duvalier.
• Vergonha al maselaire Bachar que daissa massacrar los Kurdes de son país pels calucs de Dieu dins la vila de Kobane en Siria. E vergonha al vesin Erdongan lo Turc que se fa tirar l'aurelha per daissar los Kurdes turcs anar defendre lors fraires sirians, escampilhant biais puzzle sas magras possibilitats de dintrar un jorn dins l'Euròpa.
• Òsca al pòble del Burkina Faso que reguitna.
• Vergonha a la mòrt qu'a pres Marie Dubois e Oscar de la Renta.

30/10/2014

Un 25 d'octobre sus la planèta occitana

Lo 25 d'octobre, davalère a Milhau per veire una pèça del Teatre del Trastet : Ne'n portarem pas lo dòl. Coma ère en avanci (lo país milhautenc es talament polit que soi totjorn en avanci quand i vau), anère veire se lo teatre èra dubèrt e tombère sus Patric Delmas. Cossí ère pas jamai tombada sus Patric Delmas davant ? Lo tipe es a l'encòp majoral del Felibrige e a l'IEO, aquò li balha ja quauquas qualitats. Me recitèt, dins la carrièira, coma aquò, una tirada looooooonga de La femna del bolangièr qu'es a adaptar pel Trastet. Non pas lo passatge de la Pomponeta, òu ! Non, lo passatge sus la beutat de la femna del bolangièr. Cossí dire ? Sai pas. Mercééééééé. Sens parlar del contengut, soi totjorn en admiracion davant de monde qu'arriban a reténer de tèxtes de mai de doas linhas.
Lo Trastet es una tropa de teatre amator de Carcin. Son conescuts coma lo lop blanc : lor es arribat d'emplir lo teatre de Caus tres jorns de tira. Per de pèças tot en òc. Amics, tot es pas fotut.
La pèça èra saborosa : un ivronhàs es talament bandat qu'òm lo crei mòrt e tot s'aprèsta per l'enterrament a l'entorn del lièch de mòrt. Daissat sol un momenton, l'ivronhàs se desrevelha, compren que los autres lo creson passat e... se tòrna metre dins son lièch de mòrt per escotar la seguida.
Cerièira sul chaudèl : Domenge, lo Monta-Mametas lo mai conegut de la tela, aviá fach lo camin el tanben, dempuèi lo País-bas. Ieu dise : los quadras son aquí !

22/10/2014

30/09/2014

Setembre de 2014

• Vergonha als calucs de Dieu qu'an decapitat Steven Sotloff, jornalista american de 31 ans en Siria, David Haines, umanitari de 44 ans e Hervé Gourdel, torista francés en Algeria de 55 ans.
• Vergonha al personal politic que se crei al-dessús de las leis, maugrat l'afar Cahusac e dins lo mème partit.
• Òsca a l'Euròpa que repotega contra la França sus l'afar dels nitratas dins l'agricultura e vergonha als païsans franceses que tròban pas normal d'arrestar d'utilizar aquela salopariá que nos balha de cancèrs. Lo totjorn mai se deu arrestar.
• Òsca a la condamnacion de Gaston Flosse que lo sortís definitivament de la presidéncia de la Polinesia francesa e del Senat.
• Vergonha a Ebola que contunha son òrre trabalh en Africa de l'oèst.
• Òsca als Escosseses qu'an mancat de gaire d'avure lor independéncia.
• Òsca als Espanhòls qu'an recuolat sus lor projècte de lei de restriccion del drech a l'avortament per las Espanhòlas.
• Òsca a una coalicion internacionala qu'assaja d'arrestar los calucs de Dieu en Siria.
• Vergonha a la mòrt qu'a pres Antoine Duhamel, André Bergeron e Jean-Jacques Pauvert.

08/09/2014

Un còp l'estiu passat…

…e 100 000 visitaires après, anère al Musèu Soulages de Rodés. Comencèrem per anar manjar un miwam (miam !) a cò de Bras (Pierre Niney al ras, aquò gasta pas res) e pièi dintrèrem dins lo "negre" qu'es pas tant negre qu'aquò, mas aquò o sabiái ja per çò que treve pas mal del costat del musèu Fabre de Montpelhièr. Los que se trufan de l'òbra de Soulages se deurián calar : del temps que elses èran encara a se far cambiar las pelhas per lor maire, Soulages expausava ja a New-York. N'i a qu'an lo Ieu talament subredimencionat que veson pas las coniflas que son venguts. L'ombra del Ieu sovent fa de tòrt. 
Après, anèrem far quatre-oras tornar a cò de Bras per tastar un borriòl : meravilhós.
E pièi, al Musèu Soulages, i a lo trabalh de l'artista mas i a tanben lo trabalh dels arquitectes catalans. Se me voliái far bastir un ostal, fariái far una replica del Musèu Soulages, en pichon e sus un causse.

03/09/2014

Henri Alauze es partit (1927-2014)

Ne parlave aquí.  Quand a compres qu'anava passar, a escrich a sa familha : “Quand lo lauraire sentís sa fin arribar, convida lo monde qu'aima.” An manjat al restaurant lo dimenge 24 e s'es atudat dimarç 26 d'agòst. Emblidarai pas Henri.

31/08/2014

Agòst de 2014

• Vergonha als calucs de Dieu qu'an decapitat  James Foley, jornalista american de 40 ans en Siria.
• Vergonha a l'epidèmia Ebola que fa bravament de mòrts en Africa de l'oèst e que se pòt escampilhar.
• Vergonha a l'estat del monde qu'es pas gaire polit (Irac, Libia, Siria, Ukraina, Palestina…).
• Vergonha a la mòrt qu'a pres Robin Willians, Lauren Bacall e Ménie Grégoire.

Priorat del Salvatge (12)

Se cal sovenir que, davant las annadas 2000, lo priorat èra roinat.
Un polit trabalh associatiu.

05/08/2014

George and ieu

Pel primièr còp de ma vida, la dimenjada passada a Tolosa, soi dintrada dins un magasin establiment What else. S'avètz pas mai a far, un jorn, anatz i far un torn, aquò val l'enquista etnologica. Ja, quand dintratz, avètz tres tipes o filhas que se sarran, vestits de negre de cap en pè, per vos aculhir. Òm se diriá a cò de Boucheron plaça Vendôme a París. Après, cal anar crompar lo cafè en naut (sai pas se totes los establiments son en duplex, benlèu qu'es calculat que quand òm monta òm se'n crei mai). Tot aquel cinèma per de cafè molgut… Es de segond gra, non ? Sètz filmats per una version novèla de Las preciosas ridiculas ? O cal veire. Lo personal es de veire mas cal tanben agachar la practica. Lo melhor es que, en fin d'enquista, podètz beure un cafè a gratis. Avètz pas qu'a demandar de tastar tala o tala capsula de color. Puèi tornatz sortir de la farsa.
Espère pas qu'una causa : legir la visita de nòstre Monta-Mametas nacional a l'establiment de Montpelhièr.

31/07/2014

Julhet de 2014


• Vergonha a la represa de la guèrra israelo-palestiniana.
• Vergonha als calucs de guèrra que se'n son preses a un avion de linha en Ukraina.
• Vergonha a Israel que tua de civils dins la Banda de Gaza per se'n prene al Hamas.
• Vergonha a la mòrt qu'a pres Hervé Cristiani.

Jaurés



« En France, on fait sa première communion pour en finir avec la religion, on prend son baccalauréat pour en finir avec les études, et on se marie pour en finir avec l'amour… et on fait son service pour en finir avec le devoir militaire. »

22/07/2014

Enveja de dançar

Keeper Of The Flame by Nina Simone on Grooveshark

Una pèrda

L'aventura s'anonciava polida, agradabla, interessanta : una cata adorabla que fa 4 catons polidons, totes 4 vius e totes 4 per gardar. 4 mascles. Me congostave de l'agachar far amb sos pichons. Malurosament, l'ai pas agachada far que 11 jorns. Lo ser del 19 de junh, Isaura s'es facha escrachar dins la carrièira pichona que passa jos l'ostal. Un mes après, l'atmosfèra comença a tota pena d'èsser un pauc pus laugièira... Las nuèches un pauc pus longas. Los pichons son sauvats, ara. E son polits. Demoraràn a l'ostal Jaurès e Hessel (sa maire tot cagat). Los altres dos son plaçats. 

30/06/2014

Junh de 2014

• Òsca a l'abdicacion de Juan Carlos d'Espanha.
• Vergonha a la reeleccion de Bachar-lo-Maselièr en Siria.
• Vergonha a la mòrt que prenguèt Francesc Vallverdú, Léon Mercadet e Pèire Bèc.

En Carcin

Caus la polida.
La tomba de Françoise Sagan, dins un cementèri pichon, pichon de Carcin, al mièg dels camps de tabat.

18/06/2014

Letra doblidada

Une Lettre Oubliée (Main Mix) by Juliette on Grooveshark
Juliette-Guillaume Depardieu

Afar Bygmalion-UMP

La cata a catonat

Coma soi l'urosa mestressa de la pus genta, la pus crana, la pus brava e la pus polida cata del monde, davant de la far operar, li ai daissat far de catons. Tres seradas de tira, de mascles venguèron li cantar la serenada jos la fenèstra de la cambra. Las doas prumièiras seradas, la cata estimèt mai mos gratilhons que non pas las cançons d'amor dels marros. Lo tresen ser, sortiguèt e tornèt pas dintrar de la nuèch. Me fasiá un pauc pessament per çò que los mascles qu'aviái vist rabalar empr'aquí èran pas gaire polits e un èra francament irange... Mas la cata fasquèt 4 catons dins la nuèch del 8 al 9 de junh e me pense que deviá trevar dins lo canton un Cat-Bachelor per çò que los 4 catons son polidooooons coma tot. Coma son de longa amochonats los uns suls autres, es pas aisit de los fotagrafiar. I arribarai melhor dins un quinzenat de jorns quand se penjaràn a las cortinas…

04/06/2014

31/05/2014

Mai de 2014

• Vergonha a Le Pen lo Vièlh que ditz, en tribuna, que Ebola reglariá nòstres problèmas d'immigracion.
• Òsca a la mesa en examèn d'Isabelle Balkani per blanquiment e frauda fiscala.
• Vergonha a la SNCF qu'a comandat de trens tròp larges per mai d'una gara francesa.
• Vergonha a la montada dels partits de drecha extrèma en Euròpa.
• Òsca a la Confederacion païsana qu'es anada desmargar la sala de molza de la boriassa de las 1000 vacas.
• Vergonha a l'afar Copé e òsca a l'idèia qu'un còp condamnat un personatge politic pòsque pas jamai èsser elegit, tornar.
• Vergonha a la mòrt qu'a pres Camille Lepage, jornalista tuada en Republica centrafricana.

26/05/2014

Vergonha

Quand aviái vint ans, me pensave que las vièlhas coniflas racistas, omofòbs, los qu'èran contra tot, fasián partida del passat, d'una classa d'atge, que los gravèls los esperavan e que l'umanitat ne seriá pas contristada. Pensave que, nautres, los joves, amb tot çò qu'apreniam a l'escòla, amb la television que nos fasiá veire pus luènh, amb totes los libres que podiam legir, amb las tecnologias novèlas, los escambis novèls, l'informacion autra que la de TF1, podiam pas rasonar coma los vièlhs cons que, justament, aviam los mejans de saupre mai de causas, de trobar mai de responsas a las questions que nos pausàvem. 
Puèi, pichon a pichon, las annadas son passadas e, pichon a pichon, me soi trachada que de monde pus joves que ieu seguissián las piadas dels vièlhs cons : los mèmes discorses asiroses, la mèma ignorància, la mèma abséncia de curiositat. 
Ai vist arribar de joves dins de conselhs municipals que se presentavan pas que per elses e lor familha (de païsans mai que mai, los bèlses que demòran). Lo vilatge, la vida, se'n foton, vòlon saupre de que se vend, end van arrengar tal o tal camin, tot çò que los poiriá contentar elses e lor familha e blocar tot çò que lor servís pas a res a elses. Ai ausit de joves téner de discorses racistas alara que sèm dins un endrech end i a pas gaire d'estrangièrs. Ai ausit de monde dire que la television en preson èra una vergonha. Pensavan pas que lor filh que s'arsolhava cada dimenjada podiá tuar quauqu'un en dintrent en veitura e anar passar quauques temps en preson. Ai ausit de monde dire que comprenián pas per de que l'Educacion nacionala impausava un cors de filosofia a l'escòla. 
Es per totas aquelas rasons qu'endure de mens en mens lo discors tengut dempuèi tant d'annadas per dire que cal desencusar los electors del Front nacional. Non, los electors del Front nacional vòton Front nacional per çò que son d'acòrdi amb lo Front nacional. Deuriái dire que pensan coma pensa lo Front nacional, es a dire que pensan tot çò que lo Front nacional pòt pas (encara) dire publicament.
Levat los quauques capòrcs de mon enfància que n'èran fièrs, los prumièrs que votèron FN o fasián un pauc vergonhosament, los que pendant la segonda guèrra mondiala serián pas estats de collabòs (aquel monde s'engatja pas, ni d'un costat ni de l'autre, o alara s'arrengan per o far d'un biais anonim) mas qu'aurián daissat far. Ara, pels joves, Hitler fa partida de l'istòria coma los autres, d'una autra epòca. 
Un fum d'abstencionistas que coneisse an plan fach d'anar pas votar ièr, sabe pas que de tròp per qual aurián votat...
Aqueste matin, soi vertadièirament tocada per çò que vesèm e me pòde pas empachar d'avure una pensada prigonda pels umanistas que visquèron las annadas negras.


30/04/2014

Abrial de 2014

 • Òsca a la sortida dels ecologistas del governament.
• Òsca a la mesa en plaça d'un SMIC en Alemanha.
• Òsca a las balenas qu'an ganhat un tròç de drech de vida al Japon.
• Vergonha als calucs de Dieu qui retenon 200 dròllas al Nigèr. Bring back our girls !
• Vergonha a la reeleccion del mòrt-viu de Boteflika en Algeria.
• Vergonha a la mòrt qu'a pres Jacques Le Goff, Régine Deforges, Peter Matthiessen, Dominique Baudis, Gabriel García Márquez e Micheline Dax.

31/03/2014

Març de 2014

• Vergonha a Putine que pompís los acòrdis de l'après guèrra freja en fasquent tornar la Crimèa e Sebastopòl dins sa federacion russa.
• Vergonha a Robèrt Menard (FN) que pren la vila de Besièrs.
• Vergonha a la reeleccion de Patrick Balkany e sas caçairòlas a Levallois-Perret e de Jean-Claude Gaudin (75 ans) a Marselha.
• Vergonha a la Turquia que barra los malhums socials del país.
• Òsca a l'eleccion d'una femna a l'ostal de comuna de París.
• Vergonha a Bouteflika (77 ans), que se presenta per un 4en mandat en Algeria.
• Vergonha a la mòrt qu'a pres Alain Resnais e Marc Blondel.

28/02/2014

Febrièr de 2014

• Òsca a Bill Watterson (Calvin e Hobbes) qu'a avut lo grand prèmi d'Angolèma.
• Òsca a la levada de l'immmunitat parlamentària de Serge Dassault.
• Vergonha al Senat de refusa d'anar contra lo lobby dels OGM.
• Vergonha a la Suissa que se barra del monde estrangièr per votacion populara.
• Vergonha al president d'Oganda qu'a promulgat una lei anti-gay.
• Vergonha a l'abséncia de solucion en Siria (Geneva 2).
• Òsca a la liberacion de Ioulia Tymochenko en Ukraina.
• Vergonha a la mòrt qu'a pres Philip Seymour Hoffman, Paco de Lucía, Antoinette Fouque, René Teulade e Shirley Temple.

31/01/2014

Genièr de 2014

• Òsca a la Region Miègjorn Pirenèus e al Parc del Lengadòc qu'an desirat lors vòts en occitan.
• Vergonha a la França que se desrevelha amb un president de drecha.
• Òsca a la premsa parisenca que se met a parlar d'òc (Libé).
• Vergonha a tot aquel brombalh que fan per Michaël Schumacher qu'es tombat en esquí.
• Vergonha a la publicitat facha a Dieudonné que d'unses apelan encara umorista : lo cal pas censurar, li cal far pagar de contravencions.
• Òsca al projècte de constitucion tunisiana que vòl l'egalitat entre òmes e femnas.
• Vergonha a Kim Jong-Un, lo caluc de Corèa del Nòrd, qu'a ja fach fusilhar son amigueta e (benlèu) balhat son oncle als cans, promet ara un desastre nuclear al monde.
• Vergonha a l'idèia de dubrir en França, una bòria de 1000 vacas.
• Vergonha al Senat qu'a refusat de levar l'immunitat parlamentària de Serge Dassault, pel segond còp.
• Vergonha a l'Espanha que vòl reduire lo drech d'avortar a las femnas.
• Òsca a la França qu'a suprimit la nocion de "détresse" de la lei sus l'avortament.
• Òsca a la liberacion de Michaël Blanc, en preson en Indonesia dempuèi 14 ans per trafic de shit.
• Vergonha a la mòrt qu'a pres Claudio Abbado, Pete Seeger e François Cavanna.
• Òsca als Ukrainians que nos rementan qu'Euròpa es un espaci democratic envejable.
• Òsca a l'adopcion, per l'Assemblada nacionala, de la lei sul non-cumul dels mandats per... 2017. Es ja ben. Ara : al Senat.
• Vergonha a la drecha drecha que contesta la legitimitat del president, Boutin-la-catolica en cap de tièira. Las eleccions son fachas per cambiar, s'òm es pas content.
• Vergonha a París qu'a vist desfilar una poiridura antisemita, racista, omofòb, anti-republicana, violenta e fascista.
• Òsca a la Tunisia qu'es un exemple per totes los paises arabs.
• Òsca a Geneva 2 qu'assaja de far discutir los òmes del president e los opausaires sirians.
• Òsca als deputats qu'an votat per la ratificacion de la Carta europenca de las lengas regionalas.
• Vergonha a l'Egipta que recuola.

François Cavanna (1923-2014)

(Sul siti de Large)

29/01/2014

Cossí an votat ?

Lo 28 de genièr, los deputats an votat per rendre possibla la ratificacion de la Carta europenca de las lengas regionalas e minoritàrias per la França. 

Per : 361
Contra : 149
Abstencions : 19

Los tres deputats avaironeses, Yves Censi (U.M.P.), Alain Marc (U.M.P.) e Marie-Lou Marcel (P.S.) an votat per la ratificacion. 

Al nivèl nacional, per citar pas que los mai coneguts :

Per : (P.S.) Delphine Batho, Malek Boutih, René Dosière, Henri Emmanuelli, Élisabeth Guigou, Bruno Le Roux, Sandrine Mazetier, Patrick Mennucci, Jean-Jacques Urvoas, Daniel Vaillant… (U.M.P.) François Baroin, Christian Estrosi, Claude Goasguen, Frédéric Lefebvre, Marc Le Fur, Pierre Morel-A-L'Huissier, Jean-Luc Mouden… (U.D.I.) Jean-Louis Borloo, Charles de Courson, André Santini, François Sauvadet… (Ecologistas) Noël Mamère… (Radical, republican…) Olivier Falorni… (Esquèrra democrata e republica) Alain Bocquet, Marie-George Buffet, André Chassaigne, Jacqueline Fraysse… (Non inscriches) Jean Lassalle, Sylvie Andrieux.

Contra : (U.M.P.) Bernard Accoyer, Benoist Apparu, Patrick Balkany, Xavier Bertrand, Luc Chatel, Jean-François Copé, Olivier Dassault, Marc-Philippe Daubresse, Bernard Debré, Patrick Devedjian, David Douillet, François Fillon, Hervé Gaymard, Henri Guaino, Christian Jacob, Nathalie Kosciusko-Morizet, Jean-François Lamour, Pierre Lellouche, Jean Leonetti, Geneviève Levy, Lionnel Luca, Thierry Mariani, Patrick Ollier, Valérie Pécresse, Michèle Tabarot, Éric Woerth… (Non inscriches) Jacques Bompard, Gilles Bourdouleix, Gilbert Collard, Nicolas Dupont-Aignan, Marion Maréchal-Le Pen…

Abstencions : (P.S.) Jean Glavany… (U.M.P.) Xavier Breton, Dominique Bussereau, Éric Ciotti, Laurent Wauquiez…

Ara lo tèxte se'n va al Senat.



24/01/2014

Anarai pas al MuCEM

Aviái previst d'i anar a la debuta de mai qu'arriba. I anarai pas. Vòle pas pagar 8 € per sosténer de monde que mespresan e doncas entarran ma cultura. 

Letra dubèrta de Josiana Ubaud als conservators del MuCEM
« Mesdames, Messieurs,
Marseillaise résidant en Languedoc, mais ayant toujours mon cabanon sur la Côte Bleue, je suis donc avec régularité les expositions marseillaises depuis toujours.
L’ouverture du MuCEM, dont le titre Musée des civilisations d’Europe et de Méditerranée, et particulièrement sa Galerie de la Méditerranée, ne pouvait donc que m’attirer a priori. Enfin un musée contemporain qui parlerait de ma/notre civilisation méditerranéenne/occitane occupant une bonne part de l’arc méditerranéen nord et héritière directe des Grecs et des Latins. D’autant plus sûrement attirée que la profession de foi du MuCEM exprime la volonté “d’appréhender les traits de personnalité singuliers des cultures nées sur le pourtour méditerranéen”, laissant augurer une approche scientifique de cette diversité, “tantôt archéologique, tantôt ethnologique, tantôt artistique” (sic).
On ne comprend qu’a posteriori le soin pris de dire à l’avance “sans jamais prétendre à l’exhaustivité”, parade très commode pour s’éviter les critiques, au regard des “absences” plus que criantes qui sautent aux yeux des malheureux “indigènes” qui n’y ont quasiment pas droit de cité.
J’ai donc visité la fameuse galerie permanente… et en suis ressortie consternée. Car le parti pris évident d’évincer toute trace de la culture occitane, toute trace même de Marseille à Marseille (!), est la donnée constante qui ressort de cette visite.
Ainsi les outils et objets en provenance des pays “d’ailleurs” ont droit en toute légitimité à l’étiquetage scientifique “langue d’origine/traduction française”. Mais pas les rares objets provençaux tous dénommés seulement en français et qui plus est… avec des noms jamais employés localement en français ! En tant qu’ethnobotaniste de terrain, je suis bien placée pour savoir qu’aucun paysan n’emploie le mot de “houe”, même en français. Il dit exclusivement en francitan “aissade”, “sape”, “arpe”, “magau”, “bigòs”, etc., en fonction de la forme, du nombre de dents (tous noms issus de l’occitan “arpa/arpo”, “aissada/eissado”, “sapa/sapo”, “magau”, “bigòs”) ou directement en occitan lorsque j’enquête dans cette langue. Or ce sont ces noms-là qui auraient dû figurer scientifiquement en premier, mais pour le MuCEM, “c’est tout de la houe”. Pour un godet de “noria” provençale, aucun paysan ne dit “noria” mais “pousaraque/pouseraque” (de l’occitan “posa-raca/pouso-raco”, qui puise et qui recrache). Pareillement pour les cloches exposées, qualifiées platoniquement et indûment de “cloches et sonnailles”. Vous n’avez visiblement jamais rencontré un berger de votre vie. Vous sauriez que chaque “cloche” a un nom spécifique, en fonction de sa forme, de sa grosseur, et de qui la porte.
Seules leurs traductions françaises peuvent s’appeler génériquement “cloches et sonnailles”, mais certes pas l’objet d’origine. Nous n’avons droit qu’à une “gargoulette” en conformité avec le nom réel de l’objet exposé.
Le MuCEM pratique donc le respect des langues catalane, italienne, arabe, … mais le mépris absolu de la langue d’oc. Faut-il vous rappeler/apprendre que la langue d’oc (ou occitan) est étudiée dans les universités du monde entier ?
Côté évocation du dieu Taureau, à nouveau oubli/censure du dieu Mithra associé à la Camargue, qui n’a pas droit de cité avec ses élevages de taureaux pourtant ô combien emblématiques, ne serait-ce que par une phrase. Non, pour le MuCEM, le taureau est ailleurs, mais pas ici.
Cette démarche est-elle bien ethno-scientifique pour qui prétend “appréhender les traits de personnalité singuliers des cultures nées sur le pourtour méditerranéen” ?
Et je ne parle même pas de la superficialité des textes (il ne suffit pas de se réclamer de Braudel ou de Camus pour en être à la hauteur) et de l’indigence des “œuvres d’art”…
Passée cette première partie, en fonction de votre “tantôt…, tantôt …”, j’ai pensé que je trouverai ma/notre culture occitane dans les autres salles… Pas davantage.
Or faut-il vous rappeler qu’en terre française, les héritiers premiers des cultures phares grecques et latines, ce sont les Occitans (comptoirs grecs et latins, puis occupation romaine, donc histoire, langue, droit écrit, forum, démocratie, commerce, amphores, olivier, vigne, etc.), non les Francs ? À la citoyenneté donc, au moins une petite allusion aux républiques de Marseille, Arles, Avignon ? Que nenni, pas évoquées. Aux portraits de Marianne, dire que la première fut Occitane et l’ajouter aux portraits ? Toujours non. Aux religions, leurs dégats collatéraux avec le massacre des Vaudois, des Cathares, des Protestants, alors ? Ah ! non, toujours pas “ce trait de personnalité” de notre histoire tragique qui a marqué les hommes au fer rouge. Car les massacres engendrés par les monothéismes sont soigneusement contournés, pudiquement/pieusement tûs et pourtant “Dieu sait” s’ils ont marqués/marquent encore l’histoire de la Méditerranée. Je passe sur le cube vide censé représenter les athées/agnostiques, qui apprécieront comme il se doit la supposée viduité/transparence de leurs pensées. 
Alors, forcément me suis-je dit, ce sera dans la dernière salle, avec les voyages et le commerce ?
Avec Marseille grand port depuis les Grecs, Marseille première ville à avoir été déterminée en latitude par Pythéas, célébrissime Marseillais s’il en est, Marseille porte de départ pour l’Orient et port d’entrée de tant d’épices, tissus, céramiques, Marseille et la Provence célèbres pour ses astronomes, Marseille renommée pour ses cartes et ses instruments de mesure indispensables aux voyages, les astronomes provençaux Nicolas de Peiresc et Gassendi échangeant avec les savants de toute l’Europe : ici, inévitablement, j’aurais/nous aurions droit à quelques miettes pour faire oublier les vides précédents. Eh ! bien non, même Marseille est absente, totalement absente, et chez elle de surcroît. L’excuse toute prête de “la non-exhaustivité” fait bien piètre figure face à ce… révisionisme généralisé, j’ose le mot. Et elle n’abuse que ceux qui veulent bien être abusés (désolée, je n’en fais pas partie, ainsi que de nombreux autres citoyens, pas moins ouverts au monde pour autant).
Marseille et la culture occitane méditerranéenne plus généralement “de Narbonne à Nice” n’ont donc point de place en tant que “traits de personnalité singuliers”, quel que soit le côté envisagé “tantôt archéologique, tantôt ethnologique, tantôt religieux, tantôt scientifique, tantôt linguistique, tantôt politique”.
Pour les concepteurs de l’exposition, l’épaisseur, la densité, le poids humain, historique, culturel, scientifique, n’existent qu’ailleurs, mais pas ici où tout n’est que vide et transparence (comme le cube pour les athées). Les terres occitanes fussent-elles hors la France qu’ils eussent daigné en parler peut-être, tant l’exotisme lointain a, seul, un attrait ? La présence occitane y est réduite à la portion plus que congrue (quatre “houes”, quatre “cloches”, un godet de “noria” et encore mal étiquetées) qui confine à l’indigence.
Mais ils prétendent sûrement avoir fait “une présentation scientifique”. Pour ma part, en tant qu’actrice de cette culture, en tant qu’ethnobotaniste enquêtant sur le terrain depuis plus de 30 ans, en tant que lexicographe attachée aux faits de langue (quelles qu’elles soient) et à leur restitution objective et rigoureuse (et non d’un côté “les vraies langues” prédéfinies à l’avance par la doxa et qui ont droit au respect et les “sous langues/patois” sans aucun intérêt de l’autre), je la trouve méprisante pour Marseille, la Provence et les terres d’oc en général. Car terriblement faussée, mensongère, pratiquant ouvertement le rejet, donc totalement anti-scientifique.
Ses concepteurs nous imposent une vision franco-française d’une culture technocratiquement formatée à Paris (voire glacée en ce qui concerne les objets populaires) qui passe sans état d’âme de l’histoire officielle française… aux langues et cultures d’ailleurs sur le pourtour méditerranéen (“regardez comme nous sommes ouverts”), en sautant allègrement par dessus les terres occitanes qui n’existent pas à leurs yeux (constatons combien “vous êtes fermés à double tour à la rive nord française de la Méditerranée”). En contradiction absolue avec le titre même du MuCEM et encore plus avec sa profession de foi pétrie de discours de façade, dont l’analyse lexicométrique montre l’absence totale des mots “Languedoc”, “Provence”, “Marseille” (un seul adjectif “marseillais” associé au dessinateur Dominique Papety mais concernant des dessins de villes étrangères).
Or la lexicométrie est toujours très parlante car elle trahit l’idéologie… On y trouve ainsi Gênes, Amalfi, Jérusalem, Athènes, Venise, Valencia, et quasiment tous les pays ou régions du pourtour méditerranéen (et même Allemagne)… mais pas Marseille, Provence ! Pour un musée français installé en terres occitanes, à Marseille, cherchez l’erreur et l’imposture. Ces toponymes et leurs cultures afférentes vous font-ils honte au point de les éradiquer ainsi ?
J’ajoute que cette vision politiquement très orientée, niant les richesses sur place (qui font pourtant aussi la richesse du patrimoine français et pas seulement local, les mettre aussi en valeur semblerait la moindre des choses), incapable de faire des traits d’union/comparaison féconds entre l’ici et l’ailleurs, en diachronie comme en synchronie, en choisissant de ne privilégier/valoriser que l’ailleurs, complète hélas la programmation de Marseille capitale de la culture 2013 où toute trace de culture occitane a été éradiquée dans les projets acceptés, ou peu s’en manque.
Mais nous avons bénéficié de sublimes plasticailles colorées (élevées au rang d’oeuvres d’art) émaillant les trottoirs de Marseille (du même type que celles qui décorent les magasins et bars branchés), de copies de Dali, d’un texte lissé diffusé au Fort Saint-Jean où l’on raconte l’histoire française de Marseille avec un bel accent d’aéroport, et en guise de couleur locale “poudre aux yeux”, de pauvres brebis lâchées sur la Corniche (on va voir l’amontagnage là où il passe naturellement, culturellement, on ne le déplace pas sur un lieu où il n’a jamais passé !). Cela fait vraiment sens… Tandis que le buste de l’écrivain marseillais Victor Gelu (pourtant pas bien encombrant) a été éradiqué du plan de rénovation du Vieux Port. Bref, tout cela en dit fort long sur le formatage des esprits, comme s’il y avait le même chef d’orchestre régentant tous ces projets, au MuCEM et à la ville (et à tous les autres échelons institutionnels hélas…), imposant sa vision si “vertueusement ouverte sur l’ailleurs” mais si “insolemment fermée à l’ici”, tant s’affiche partout la volonté délibérée de nier notre culture et notre langue en domaine public. De nombreux Marseillais et Provençaux, et plus généralement Occitans venus exprès visiter le MuCEM parfois de loin, ont été choqués par cette censure/mépris de “leurs traits de personnalité”, ainsi jetés à leur figure et dans leurs propres terres de surcroît.
Claude Hagège parle à ce sujet “d’élites vassalisées”. Si ce n’est pas un comportement colonialiste en terres d’oc, cela lui ressemble fort…
J’en suis personnellement bien plus que choquée. Nous faudra-t-il aller dans un musée catalan ou italien ou libanais consacrée à la Méditerranée, pour voir enfin “appréhender dignement/scientifiquement/linguistiquement les traits de personnalité singuliers” de notre culture et voir évoquer Marseille et la Provence et le Languedoc autrement que par quatre “houes” (comme ailleurs par une jupe folklorique ou la nième publication d’un “sociolinguiste” sur “Le parler imagé de Marseille”) ? Comment peut-on prétendre faire une muséographie scientifique, donc respectueuse des civilisations, alors que c’est le parti pris idéologique qui préside ici de façon criante ? Soit par censure délibérée, soit par absence de curiosité élémentaire, ce qui est tout aussi grave. Je sais/nous savons déjà à l’avance la réponse à ces critiques car nous y sommes habitués : “Non, vraiment, il n’y a aucune volonté de censure, aucun mépris ; objectivement, ici, il n’y a rien “d’universel” qui soit digne d’être évoqué au MuCEM eu égard aux choses/histoire/pensées si géniales de l’ailleurs, à part quatre “houes” et trois “cloches” pour faire plaisir à votre “localisme”, mais dont on se moque éperdument de savoir leurs vrais noms dans votre “patois”. Et Marseille n’a toujours été qu’un petit port de pêche dans l’histoire de la Méditerranée, tellement petit qu’une seule sardine l’a bouché, c’est bien connu, ce qui explique son absence dans la galerie permanente, en toute objectivité scientifique, vraiment.” 
Même si je me doute que mon avis vous importe fort peu, en tant que citoyenne occitano-française finançant le MuCEM par ses impôts, en tant qu’ethnobotaniste et lexicographe respectueuse des cultures, des langues et des hommes, je tenais à vous exprimer ma colère face à cette vision des faits méditerranéens selon votre prisme déformant, qui n’a même pas la décence – à défaut de la conviction – de valoriser un tant soit peu la ville et la région d’accueil du musée.
Recebètz mei salutacions amaras (c’est du “patois”). »
(Copie à des citoyens occitans, Marseillais entre autres, avec autorisation de diffusion à qui bon leur semble, et publiée sur mon site.)
Josiana Ubaud

08/01/2014

De l'escòla

Soi totjorn estada contra las nòtas a l'escòla. Per ieu, aprene deu demorar un plaser. A la campanha, dins las escòlas de mai d'un nivèl, aquò's sovent entendut coma aquò. Mas ara, la Polideta es en seisena e li demandan d'aprene tot per còr. Quand me mete ambe ela pels devers, assage, coma de davant, de li far aprene sas leiçons d'un biais agradiu, de còps ludic, e aquò dintra plan. Solament, las nòtas seguisson pas per çò que la Polideta coneis pas las leiçons per còr. E non. E ieu tanpauc. Las remarcas dels professors son totjorn las meteissas : "la Polideta coneis pas las leiçons per còr." E ben non. Aquò m'encanissa e ai pas enveja far aprene a la Polideta de causas per còr. Fa que serà pas la prumièira de la classa (notatz que se'n fot, ela, çò que mai l'agrada al collègi, son sos amics), mas contunharà d'aprene de causas ambe plaser.
L'altre jorn, aviá una evaluacion d'istòria. M'agrada l'istòria, a ieu. La civilizacion grèga : Sparte, Massilia, los temples, los Dieus, Homère… Sabiá tot çò que deviá saupre, la Polideta. Quand tornèt, lo ser, me diguèt qu'aviá pas talament capitat.
“A… Per de qué ?
– Ja ai pas sachuda la prumièira question…
– De qué èra, coma question ?
– Nos demandèt la definicion d'un mot que me sovene pas pus…
– Assaja de te sovenir… Es pas la definicion de "panhellenique", e ?
– Si, es aquò : "panhellenique" !”
Òc, lo mot èra ben dins lo libre. Òc, l'avèm vist aquel mot. L'avèm legit. Mas, volguère pas,  volontàriament, demandar a la Polideta de se sovenir d'aquel mot. Anatz per la carrièira e demandatz al monde se coneisson "panhellenique". E l'autra conifla de professor d'istòria que lor demanda de ne balhar la definicion (per còr, evidentament) ! La Polideta aurà una missanta nòta mas sabe, ieu, que coneis çò que deu conéisser suls Grècs en seisena.
Urosament qu'es pas dins la competicion, la Polideta, si que non, aquò la poiriá trebolar. Ieu, aime l'istòria per çò qu'ai ajut dos professors d'istòria de prumièira : un al licèu, l'autre a la facultat de Drech. Aquí, vegère tre la debuta de l'annada qu'aquel professor d'istòria èra pas un semenaire d'envejas.