30/08/2012

Drecha e esquèrra : defòra los Ròms !

Ieu, aime quand los òmes s'amusan

Agòst de 2012


• Vergonha a la mòrt qu'a pres Michel Polac, Patrick Ricard, Tony Scott, Jean-Luc Delarue, Neil Armstrong e Roland-Pierre Paringaux.
• Vergonha a el Assad qu'es totjorn al poder.
• Vergonha a la condamnacion a dos ans de preson de las punquetas russas qu'èran anadas cantar dins una glèisa.
• Vergonha a Israel que s'es metut dins lo cap d'atacar l'Iran.
• Vergonha a la policia d'Africa del Sud qu'a tuat 34 minaires en cauma.
• Òsca a la fin (oficiala) de la censura dins la premsa birmana. Es ja aquò...
• Vergonha a Montebourg que vanta l'energia nucleara.
• Vergonha a la confirmacion de la condamnacion a 7 ans de preson de Ioulia Timochenko en Ukraine. Es embarrada dempuèi un an.

29/08/2012

Siria (serà pas lèu acabat ?)

Bachar aima de pausar amb los jornalistas del monde entièr.
Cartoons. Courrier international.

Sèt canhons Labradòr

N'i a encara quatre per adoptar. Me cal vertadièirament una sapiéncia subre-umana per ne prene pas un a l'ostal... I soi pas pro, a l'ostal. E puèi mon cat bèl-negre-e-gròs qu'es en fin de vida (18 ans, los tres-quarts dins ma cambra-bibliotèca, lo demai al solelh jos la pergòla) se fariá hara-kiri dins la minuta.

Parpalhòl de nuèch

Sphinx livournien. Parpalhòl occitan.

28/08/2012

Cauma del sèxe


Es pas lo prumièr còp que legisse aquò. Aqueste còp, aquò's las Togolesas que fan una cauma del sèxe de sèt jorns. I a quand mème quicòm que truca sus aquela planèta amb lo sèxe. Lo sèxe e la religion, aquò te fot un d'aqueles merdièrs ! Sens sèxe los òmes vendrián falords ? Los poiriam far plegar sus qué que siá ? Es plan trist. Daissan a pensar qu'an un vièch en plaça del cervèl, en fach... Çò pièger es qu'ai cresegut de comprene qu'aquò marchava... E las femnas son doncas fachas per satisfaire los òmes ? Los medias semblan trobar aquò normal, laugièr. Ieu, tròbe aquò desesperant per la natura animala umana.
E qu'òm venga pas me dire qu'aquò's pas de societats occidentalizadas : 1- an assajat d'o far en Belgica e 2- estime mai l'atissament d'una Aung San Suu Kyi o una Pussy Riot que ditz al tribunal de Poutine : “Ai pas paur de vos !” Aquí òsca, òc mila còps òsca ! A prene una tanada, tant val melhor la prene en demorant drecha.

Quand plòu, se cal saupre metre a l'abric

Sai pas cossí a fach mas degús l'a pas adujada.

La volontat politica de l'Avairon

Mercé Tam


Mercé a Tam per son gente bilhet. Sabe qual es e ne soi encara mai tocada. Li pòde vertadièirament tornar lo compliment per son blòg plen de sensibilitat. 
Lo blòg dedicat a las fadarèlas occitanas (omenatge al legendari occitan qu'aime tant) es nascut en 2008 sus la demanda de la mai fada (justament) e la mai geniala de las professoras d'universitat (es que vòl servar l'anonimat sus son estatut de professora ?).
Mas qunta bona idèa ! Amb lo blòg, pòde far mai aisidament (amai se de còps la mesa en pagina Blogger m'encanissa) çò que fasiái de davant dins de quasernets. Çò que m'agrada es de poder tornar anar cercar una data, un eveniment (assage de mancar pas tròp de causas) o un dessenh de premsa (n'i a que son talament bons). Soi ieu que fau virar lo mai lo comptador. Lo blòg, lo tene doncas çò prumièr per ieu mas se i a de monde qu'o legisson e qu'aquò agrada, ne soi plan urosa. :)

27/08/2012

Cadun sa vida


Lance Armstrong va pèrdre sas 7 victòrias al Torn de França. 
– Qual va ganhar ? Lo segond ? 
– Non, lo segond s'es fach atapar, dempuèi, per dopatge. 
– Lo tresen ? 
– A… non, lo tresen tanben.
(...)
Benlèu lo darrièr serà doncas un jorn prumièr !

Realitat (sens TV)

Santat !

21/08/2012

6 ans après, sens rancuna !

Concas amb una istoriana de l'art. I a de moments que lo temps passa coma un liuç. Ai d'amics meravilhoses.

20/08/2012

Bolegatz amb La Pòsta (bis)

Lo telefòn sona :
« Adiu Polideta, cossí vas ?
– Va plan, soi a far de lapins en origami.
– A ? E cossí los fas tos lapins ?
– Fau coma aquò, coma aquò e puèi coma aquò.
– Arrèsta ! Manda-m'un per la Pòsta coma aquò veirai melhor.
– Va plan. »
E la Polideta de metre un lapin dins una envolopa, d'escriure l'adreiça e de botar la letra a La Pòsta, sens lo nom de familha e sens timbre. E ben i a encara de brave monde a La Pòsta en 2012. La letra arribèt coma aquò, a gratis.