27/02/2012

Siné

Febrièr de 2012

• Vergonha a la mòrt qu'a pres Christian Blachas, Antoni Tapies, Whitney Houston, Sophie Desmarets e Maurice André.
• Vergonha a la Russia e a la China qu'an metut lor vetò a l'ONU per una accion contra Bachar el Assad en Siria.
• Vergonha a Guéant, ministre de l'Endedins, que ditz que de civilizacions son inferioras a d'autras.
• Vergonha a la dintrada en campanha lepenizada de Sarkozy.
• Vergonha a la Siria que tua de jornalistas : Marie Colvin americana e Rémi Ochlik, francés.
• Òsca al cesar del melhor documentari per Christian Rouaud e “Tous au Larzac”.
• Òsca a Jean Dujardin per son oscar de melhor actor dins “The artist”.
• Òsca al pòble del Iemen qu'a sortit Saleh del poder.

22/02/2012

Hans Stroh e los Serments de Strasbourg

Hans Stroh, professor d’occitan a l’universitat de Munic en Alemània, lo coneisse dempuèi un briu. Èra arribat coma aquò a l'ostal, un ser de davalada. Aviá aprés qu'aviái conegut Paul de Gairaud e, el, èra estat son amic, a Paul. Hans es una genta persona, una polida persona. Coneis melhor l'Avairon que la maja part dels Avaironeses e coneis la lenga d'òc mai que los 90 dels 100 dels Occitans.
Dimarç 14 de febrièr, donèt, a Rodés, una conferéncia suls Serments de Strasbourg datats del 14 de febrièr de l’annada 842.
Hans presentèt aquel tèxt qu’es, pels lingüistas franceses, un de los pus ancians tèxtes de lenga francesa. Per Hans, aquela lenga medievala seriá pas de francés vièlh mas d’occitan vièlh. Aquela conferéncia èra justament per nos far la pròva d’aquela constatacion, tant al nivèl del vocabulari emplegat qu’al nivèl de la sintaxi.
En resumit, tot çò qu’es francés dins los Serments de Strasbourg fa partida d’un sòcle comun francés-occitan. Lo demai es d’occitan e, per melhor dire, d’occitan dialectal d’Auvèrnha. Tot daissa doncas a pensar que lo redactor d’aquelses Serments podiá èsser Auvernhàs.
« Contrairement à la thèse officielle jusquʼici en valeur, le terme de “lingua romana” signifie donc que la langue des Serments nʼest pas le français mais lʼoccitan. En lʼoccurrence, nous avons affaire à un texte qui est rédigé en partie dans un occitan dialectal. Le français nʼy est représenté que dans la mesure où il fait partie du fonds lexical commun. (…) Nous sommes donc en droit de conclure quʼun notaire haut placé de la chancellerie de Charles le Chauve était originaire dʼAuvergne. Dʼailleurs, pour la Chanson de Roland, deux siècles plus tard, parmi les chevaliers de lʼarmée de Charlemagne, les Auvergnats étaient les plus cultivés : “Icels dʼAlverne i sunt li plus curteis.” (Ceux dʼAuvergne sont les plus civilisés) (Rol. 3796) » (Hans Stroh)
Lo 14 de febrièr es doncas una data importanta per la lenga occitana :
« Aux Occitans maintenant de prendre publiquement possession de ce qui leur appartient. Les Serments de Strasbourg sont pour eux un trésor inestimable. Rien de plus naturel que de fêter leur anniversaire en organisant chaque 14 février la Fèsta de la lenga. » (Hans Stroh)
Ara, Hans, cal publicar aquel trabalh per donar als Immortals de l’Acadèmia Francesa, amont a París, l’escasença de se mainar de lenga d’òc.

Tèxt dels Serments
« Pro deo amur et pro christian poblo et nostro commun saluament, d’ist di en avant, in quant Deus savir et podir me dunat, si salvarai eo cist meon fradre Karlo, et in aiudha et in cadhuna cosa, si cum om per dreit son fradra salvar dift, in o quid il mi altresi fazet, et ab Ludher nul plaid nunquam prindrai qui meon vol cist meon fradre Karle in damno sit.
Si Lodhuvigs sagrament, que son fradre Karlo jurat, conservat, et Karlus meos sendrade suo part non lo suon tanit, si io returnar non l’int pois, ne io ne neuls cui eo returnar int pois, in nulla aiudha contra Lodhuvig non li iv er. »

Guèrra dubèrta

« Quand on aime la France, on ne propose pas de ratifier la charte des langues régionales et minoritaires. » De còps de calçuras pel nas que se perdon...
Totes a Tolosa lo 31 de març !

07/02/2012

Antoni Tàpies (1923-2012)
















« L'artista, dins lo temps auriam dich espanhòl, ara disèm catalan, es mòrt. » (Aqueste matin sus France-Culture)