12/09/2012

Catalonha


Ai pas pro legit los arguments dels uns e dels autres per me far una idèa precisa. Sabe que d'Occitans i son anats. Ai compres que demandan l'independéncia e que dison voler èsser un estat de mai en Euròpa. Mas çò que me ven al cap sul pic es : quanta Euròpa volèm ? Una Euròpa solidària economicament ? Los Catalans demandan l'independéncia cap a Espanha per èsser dins una Euròpa solidària economicament ? I a quicòm que truca. Belgica del nòrd / Belgica del sud, Alemanha / Grèça, Catalonha / Espanha. Lo problèma me sembla èsser lo meteis. Me caldrà espepissar aquò e cercar las responsas.
Autra question : es qu'aquela manifestacion va pas balhar de gran per mòlre als nòstres amics jacobins* ? "Vesètz, ara qu'an lor lenga reconeguda, demandan l'independéncia ?" Los vese ja venir...
*Los jacobins mas tanben los que defendon la lenga e la cultura occitanas per de rasons intellectualas, sens cap d'idèas politicas, autonomistas o independentistas.

2 commentaires:

Florenci Salesas a dit…

Osca, Fadarela ! :)

manjacostel a dit…

Mas o dison jà....