A LAS FADARELAS OCCITANAS: 3 en 1

Brabum / Missantum

• Vergonha a la mòrt qu'a pres mai de 1200 paures obrièrs e obrièiras que trabalhavan al Bangladesh dins una usina a cordurar de vestits per las ricas marcas occidentalas.

• Òsca a Berlusconi que passarà benlèu sas nuèches en preson dins quauques temps.

• Vergonha als Polinesians qu'an encara portat Gaston Flosse al poder : 81 ans e encara mai de caçòls al cuol (e de condamnacions) que Berlusconi, los Tibéri e los Balkany. Perqué los electors son tan cons ?

• Vergonha a Jérôme Cahusac que fa lo gal alara que se deuriá rescondre dins un trauc de mirga.

• Vergonha a totes los qu'an fach mina de creire que lo papa novèl seriá mai dubèrt que los autres.

• Òsca al Conselh constitucional qu'a validada la lei sul maridatge omosexual.

• Vergonha a la mòrt qu'a pres Henri Dutilleux e Georges Moustaki.

• Òsca als progrèsses de la lucha contra los Paradises fiscals.

Lo mot del jorn (archius)

La solesa causida demanda bravament de fòrça. Non pas per la susportar mas per susportar los que comprenon pas.

...prene la causa damnada,

De nòstra lenga mespresada, (…)

Al luòc de lanças ponchudas,

Armem-nos de plumas agudas.

L'Euròpa dels poètas es nascuda occitana.

Un Catalan es un Occitan qu'a capitat.

En tota causa cal amaginar la fin.

Sèm pas la meteissa persona tot lo long de la vida.

Quant plaser de trabalhar per de Senhors ! Mas los Senhors son rares.

Quand soi urosa n'aprofièche per èsser contenta.

L'esperit vei venir de pus luènh que los uèlhs.

En patz amb se, en patz amb lo monde tot.

Èsser son sol mèstre.

La pus polida lenga del monde es aquela de las breçairòlas que vos cantava la vòstra memina.

La vida pren de temps.

Lo cuèr se fa pas tot sol.

Soi pas mèstra dins ieu.

Garirai de tot, amai del pus missant.

E s'òm assajava d'èsser urós, pas que per donar l'exemple.

L'aiga calda emblidarà pas jamai qu'es estada freja.

Al mièg de tant de dangièrs, me demòra : ieu.

Un libre fa tant de besonh coma un laguiòla.

Vielhir desliura.