13/06/2012

Americanizacion

La femna del president se maina de politica publicament, e contra son òme. Ieu, a la plaça de Hollande, li t'auriái fotuda una engulada, a la Trierweiler ! E es pas per çò qu'es la femna del president, nimai per çò qu'es una femna. Amaginatz una femna de peirièr que vendriá dire a la practica de son òme que la paret qu'es a far es guèrlha, o l'òme de la cosinièira d'un restaurant que la cosina de sa femna es de racar. Cerca sa plaça, la Trierweiler ? Qunta plaça ? Es que l'òm vei M. Christine Lagarde ? Es que l'òm vei M. Angela Merkel ? Sèm pas (encara) en America. Urosament. Hollande a un trabalh bèl per cinc ans. Sa companha, òm se'n fot. A pas qu'a se téner coma se deu téner cadun. Pas mai. Es pas aquí una question de libertat d'expression o de somission feminina. Es una question de saupre-viure.
Comprene mème pas que las femnas dels presidents fagan partida dels viatges oficials. Es que los PGD de las entrepresas bèlas fan segre lor femna ? Es que pausan totes dos a la cima de l'escalièr, davant de davalar de l'avion ? Soi pas jamai estada una groupie, per ieu lo president es designat per far un trabalh pesuc. Pas res de sacrat aquí dedins. 

5 commentaires:

Mela a dit…

AS rason! :)

Non mas quina conassa!!!!

Patricia a dit…

Umiliacion garantida...

jyfou a dit…

Es pas la femna du President sonque sa mestressa. A donc lo drèch de dire ço qu'ella pensa meme se aquo es un brieu desplaçat dins aquel encastre. !A pas d'estatut oficial per que es juridicament res plus que tu o ieu !

Patricia a dit…

Era pas oblijada de lo ridiculizar.

Anonyme a dit…

Tu as bien raison Patounette ! Non mais pour qui se prend elle cette "pimprenelle" là...