25/02/2011

2000 ans d'Istòria

Duèi, ai escotat la darrièira d'aquela emission culta. N'ère plan contristada. Patrice Gélinet es nomenat al CSA. En plaça, i aurà una altra emission d'Istòria.

23/02/2011

Febrièr de 2011

• Vergonha a Nicolas Sarkozy qu'ataca encara la Justicia e los jutges. A fòrça de far de declaracions demagogicas coma aquela, passarà pas lèu per una colha qu'i compren pas res ?
• Vergonha a la mòrt qu'a pres Edouard Glissant, Maria Schneider, Andrée Chédid, François Nourissier, Annie Girardot e Jane Russell.
• Òsca a la dubèrtura d'una enquista oficiala sus la mòrt d'Allende al Chilí.
• Òsca, òsca, òsca al pòble coratjós d'Egipte qu'a botat Moubarak defòra.
• Vergonha a Nicolas Sarkozy que fa lo gal cap a la justicia del Mexic. Resulta : lo Mexic vòl pas pus de l'annada del Mexic en França e Florence Cassez (embarrada alai per 60 ans) es pas prèsta de tornar veire lo lum del jorn.
• Vergonha a Michèle Alliot-Marie, ministra dels afars estrangièrs, qu'es pas plan clara sus sas amistats tunisianas e qu'a fach far d'afars financièrs a sos parents (de mai de 90 ans) en Tunisia al moment de la revolucion. Sarkozy se fa pagar sas vacanças de Nadal per lo rei del Maròc, Fillon per Moubarak en Egipte. An pas los mejans de se pagar de vacanças ? Tot va plan. La politica a papà es acabada, mefisatz-vos !
• Òsca als pòbles coratjoses de Libia, d'Iran, d'Algeria, del Maròc, del Iemen e del Barein que fan tanben de reguitnadas.
• Vergonha a Kadhafi que demanda a sos avions de caça de tirar sul pòble.
• Vergonha a Sarkozy que vòl pas de Turquia en Euròpa.
• Òsca a la partença de Michèle Alliot-Marie e de Brice Hortefeux del governament. Mas coma partan fièrs coma de pavons, sèm pas sonhats.
• Vergonha a Sarkozy que ven nos explicar que fa aquel remanejament per çò que cal parar la França dels dangièrs que pòdon resultar de las revolucions arabas (immigracion e terrorism). "La França a paur." De segur, la situacion èra melhora quand los dictators èran en plaça... 2012 lèu lèu !

16/02/2011

Me'n alasse pas...

Me soi trachada de quicòm... Quand pense a la Libia, vese pas que l'altra conifla de Kadhafi. Es coma se i aviá pas de pòble libian... Fa paur. Aquò me fa un pauc la mèma impression per la Corèa del Nòrd.

07/02/2011

Disi aima

Paraulas d'Andrée Chédid, sa grand-maire, poèta umanista defuntada ièr.

04/02/2011

La revolucion novèla

in Cartoons-Courrier international

Barbarà sortís d'aquel còrs !

Aqueste matin, un filha jove aviá publicat aquela cançon sus son fb. A legir los comentaris, vegère lèu que tot aquel monde jove cresiá que la cançon èra d'Aubert.