05/07/2011

Lo dòl al còr

Cars amics,
Es lo dòl al còr e las lagremas als uèlhs que vos anoncii lo decès accidental d’Anna Maurí e de son companhon Lugan Bedel. Tornavan de Catalonha cap a lor Occitania tant amada. La mòrt los a dalhats dins d’abòrd de l’estiu, de l’estiu sieu, a la rasa de la rota… Anna Maurí, especialista de las culturas occitana e catalana, e subretot dels trobadors, cantaira tanben, estelejava de gaujor e de bontat, Son companhon Lugan Bedel, èra a l’encòp president del Grèlh roergat e de l’associacion Detz. Èran los dos d’actors essencials per Convergéncia Occitana e l’Ostal d’Occitania. Convergéncia Occitana dont Anna èra salariada es pertocada al mai viu. Jamai non desbrembarem Anna e Lugan. Per delà la pena immensa demorarà lo dever de seguir lo camin. Sense eles mas per eles. Cap a lor ideal, per la lenga e la cultura nòstras. Los obsequis seràn celebrats en Catalonha dimècres 6 de julhet al matin. La ceremonia se tendrà a la gleisa de Sant Quirze del Vallès a 9H45.
JEAN FRANCOIS LAFFONT Président de CONVERGENCIA OCCITANA

Adiussiatz a totes, amigas, amics de la coordinacion occitana d'Avairon

Es lo còr dolent que vos devèm anonciar una marrida nòva : dos amics nòstres, dos joves aimadors de la lenga e de la cultura occitanas se 'n son anats dimenge de nuèch, dins un accident de veitura : Lugan Bedel e sa companha Anna Mauri.

Lugan èra lo jove capiscòl del Grelh roergàs. Tanben lo president de l'associacion Dètz que recampa una còla de professionals occitanistas de l'audiovisual. Èra lo cachaniuc, lo tresenc enfant d'Anna-Maria e Cristian-Pèire Bedel.

Anna, la companha de Lugan èra catalana d'Espanha. Demorava amb Lugan a Tolosa. Trabalhava a l'Ostal d'Occitània de Tolosa, per l'associacion Convergéncia occitana.

La ceremonia dels obsèquis se tendrà dimècres a 9 oras 45 a la glèisa de Sant Quirze del Vallès, pròche de Barcelona.

Dissabte lo 9, a 15 oras, a la glèisa de Najac, una autra ceremonia es organizada.

Son dos joves, dos amics, estimats de totes, aimables, valents, dubèrts, afogats de lenga e de cultura nòstras que se 'n van. Dos espèrs bèlses de l'occitanisme del sègle XXI.

Pensam a sos parents, Cristian-Pèire e Anna-Maria, als dos fraires de Lugan : Amic l'ainat e Segal lo cabdèt. Lor direm la nostra pena e la nòstra frairièira. (Joan-Loís Blenet, coordinacion occitana)

1 commentaire:

Manu Oudin a dit…

Pourquoi ?
Pourquoi eux ?
Enthousiasme, érudition, écoute, sympathie, simplicité, militantisme... Pourquoi eux ? Pourquoi tous les deux ?
Avoir la vie devant soi, et déjà beaucoup donné de soi, et être plein de promesses pour deux mondes frères, ce n'est pas avoir l'âge pour mourir !
Non, ce n'est pas possible !!!
Nous perdons un ami, la langue et la culture occitanes et catalanes perdent deux voix et deux acteurs de leur vie.
L'équipe de l'émission La Velhada s'associe à la douleur de leurs familles, et salue en particulier le père de Lugan, Christian, et son frère, Amic.
Adiu
Manu Oudin
www.radiopays.org/occitania/
contact oc : occitania [at] radiopays [point] org