18/01/2011

I a de jorns...

Dempièi dos jorns, ai una television nòva dins ma cambra. Agache plan pauc la television mas aime ben l'emission tardiva de Frédéric Taddeï sus França 3, e encara mai la d'Hervé Chabalier sus la 5 un còp per mes. Doncas ai una polida television amb l'ecran plat, la TNT, tot çò que cal, pardí. Soi pas jamai la prumièira per espepissar una machina de qunta mena que siá, mas aquí ai furgat un pauc e ai descobèrt que la television me podiá servir de desrevelhador. Ai doncas programat de me far desrevelhar amb la matinala de Canal +. Aquò a plan foncionat diluns matin, mas aqueste matin, sai pas per de qué, quand dubriguère los uèlhs, èra 7 oras e pas 6 oras un quart, e la cambra èra tota plena d'un lum gris. “Aucun signal”, èra marcat sus la television. De qué te sortir del lièch d'un vam (tot çò qu'aime...). Aquò començava plan... Puèi, de fumses pertot suls 100 quilomètres que me desseparan del trabalh, per arrengar las causas. Quand arribère al trabalh, assagère d'alucar mon ordinator : res. Demorar zen de tot biais, qu'an dich. Urosament, a plan volgut tornar virar al cap d'una ora. Èra juste per m'emmerdar. La jornada es pas acabada, sai pas se deuriái pas prene una cambra aicí...

5 commentaires:

Maime a dit…

Bon coratge !!!

Mela a dit…

Plen de potons!
Nosautres tb al Clapàs aviam de fum de matin! Sas, aquí es pas gaire costumièr.

La tele es lo mal. Ta tele es endracada. Escampa-la. O dona-me-la.

Maime a dit…

O 'resta de 'visar C+ sens lo decodaire... Quò te desvelharà mielhs !!! :-D

manjacostel a dit…

Atencion qu'ambe lo passatje al numerica , risquatz de vos trobar sens ren, çò qu'o cal dire cambiarà pas grand causa, vist los programes actuals.
Veni de me desenganat de canal+
Passat 10 oras del ser, m'agradan los filmes intelectualas coma Mars ataca, o los omenèls vèrds...
Que tot lo demai me pareis pas que de l'intox.
Coragte Patricia crompa te un brave relotge antic que fa petar las oras e los quarts...

Patricia a dit…

Lo melhor seriá de poder derorar al lièch... :)