26/05/2010

Aquela d'aquí, la podiái pas mancar !

A l'epòca de Roland Garros, dedicaça especiala per nòstres campions.

De l'utilitat de desenrausar una cafetièira

Prene una cafetièira pas plan vièlha mès enrausada. Plan legir lo mòde d'emplec marcat sul saconèl-per-desenrausar-las-cafetièiras vendut amb los coladors. Plan sègre aquel mòde operacional, etapa per etapa : metre la polsa dins l'aiga e lo tot dins la cafetièira, far passar la mitat d'aquel mescladís, arrestar la cafetièira, tornar far partir la cafetièira, escampar çò que sortís, refrescar mai d'un còp amb d'aiga canda.
O fasquère tot plan coma caliá solament, quand volguère emplir d'aiga la cuba de la cafetièira per refrescar lo primièr còp, vegère sortir, jos la cafetièira, tota l'aiga que vojave per endessús...
Resulta : ai una cafetièira nòva e... melhora !

25/05/2010

Estivada de Rodés, 2010

V'aquí la programacion !

Mai de 2010

• Vergonha a la marèa negra que gasta la mar, los peisses, los aucèls (…) e las còstas de la Loisiana.
• Vergonha a la França que presta a la Grèça a 5 % (lo FMI presta a 3,75 %) e vergonha a los que dison que caldriá que la Grèça, lo Portugal, l'Espanha, l'Italia sortiguèsson de l'eurò per tornar prene lor moneda vièlha. Ai l'impression d'ausir Le Pen n'i a quauquas annadas. Ieu pense qu'es l'escasença de fargar una Euròpa economica e politica fòrta. Per pas tornar veire aquò.
• Òsca als países d'Euròpa que venon de fargar una mena de fonds monetari euròpenc. Vergonha a l'Alemanha que sembla voler jogar persò. Es luènh lo temps Mitterrand-Khol. E òsca a Obama qu'a brandidas las pelhas d'Angela Merkel.
• Òsca a Gordon Brown, en GB, patron d'esquèrra, que ditz que demissionarà s'aquò pòt adujar son partit a demorar al poder. Aquò se veiriá pas en França ont mème los parlamentaris condamnats demissionan pas pus.
• Vergonha a la mòrt qu'a pres Robert Laffont (l'editor, pas lo nòstre, es jà partit lo nòstre...).
• Òsca al retorn en França de Clotilde Reiss, estudianta francesa embarrada en Iran l'estiu 2009 per espionatge, pièi desliurada mès forçada de demorar dins l'ambaissada de França dempièi.
• Vergonha a la França que lança los CRS per empachar los anestesistas de blocar la gara Montpanasse.
• Òsca a la liberacion, en Iran, de Jafar Panahi, cineasta que deviá èsser dins la jurada del festenal de Cannas, embarrat dempièi lo premièr de març.
• Vergonha a la Corèa del sud e la Corèa del nòrd que se grapinhan encara.
• Vergonha als jogaires de tennis franceses que son gaireben totes despatriats fiscals en Suissa.
• Vergonha a l'armada d'Israel qu'a atacat 6 batèus qu'èran partits per adujar las populacions de Gaza (jos embargò denpièi 3 ans) : 9 mòrts.
• Vergonha a la mòrt qu'a pres Dennis Hopper, Gary Coleman e Louise Bourgeois.

19/05/2010

Voltaire

V'aquí mon trabalh de l'après-miègjorn. Pòde pas anar pus luènh qu'ai pas los clavèls que cal e me cal tanben crompar de galon (ròse). Lo vos farai veire quand serà acabat.

18/05/2010

Las Borinas (seguida 3)

Ai ja parlat d'aquela granja monastica aquí, aquí e atanben aquí. Vesètz ara ont ne sèm...

One night in Bangkok

Fa qualques temps qu'assaje de comprene çò qu'arriba alai, legisse un fum de causas mès capite pas a o comprene tot e a me far una idèia. Sabe que i a los Roges e los Jaunes, que los Jaunes son pel rei e que l'armada del rei tusta (e tira) suls Roges (e ieu aime pas quand l'armada tira sul pòble). Mès sabe tanben que los Roges son menats per un tipe qu'es pas brica clar, qu'es pas pus dins lo país, qu'es mai que riche, qu'es estat metut defòra pel poder per çò qu'aviá fach d'afars personals pas plan polits quand èra en plaça mès qu'aquò's el tanben qu'a metut sus pè la securitat sociala e lo salari minimum dins lo país. Sèm a 38 mòrts del costat dels Roges. An demandat una mediacion de l'ONU. Sai pas cossí pòt virar aquel afar… Pertot la libertat se paga car.

15/05/2010

Liberté

De Tony Gatlif, 2010.
Amb Marc Lavoine, Marie-Josée Croze, James Thierrée, Rufus.
Una istòria pesuga de la guèrra de 40 (la deportacion dels Tsiganas), coma totas las istòrias de la guèrra de 40, qu'arribe pas encara a comprene cossí tot aquò posquèt arribar, mès un film ont rajan las colors, la musica, lo ritme… E un actor qu'a de sang : James Thierrée. Aime.


10/05/2010

Se vos volètz logar...

Per l'Ascension, es la lòga de Cossèrgas*. Dins lo temps, los pastres avián un tròç de lana a la botonièira per far veire qu'èran pastres. Quand vailet o pastre e patron èran d'acòrdi, se tustavan dins la man e anavan beure un còp a l'aubèrja. Aquí lo patron balhava lo vinatge, qualques sòus. Solament, n'i a que prenián lo vinatge e lo patron los tornava pas veire, fasián rabas (to put a rabbit). Avure un temps comptat per far afar, per far la pacha, duèi apelan aquò speed dating.
*Cossergar : far de gratilhons (chatouiller).

08/05/2010

Letra d'amor

De George Sand a Alfred de Musset :
Je suis très émue de vous dire que j'ai
bien compris l'autre soir que vous aviez
toujours une envie folle de me faire
danser. Je garde le souvenir de votre
baiser et je voudrais bien que ce soit
là une preuve que je puisse être aimée
par vous. Je suis prête à vous montrer mon
affection toute désintéressée et sans cal-
cul, et si vous voulez me voir aussi
vous dévoiler sans artifice mon âme
toute nue, venez me faire une visite.
Nous causerons en amis, franchement.
Je vous prouverai que je suis la femme
sincère, capable de vous offrir l'affection
la plus profonde comme la plus étroite
en amitié, en un mot la meilleure preuve
dont vous puissiez rêver, puisque votre
âme est libre. Pensez que la solitude où j'ha-
bite est bien longue, bien dure et souvent
difficile. Ainsi en y songeant j'ai l'âme
grosse. Accourrez donc vite et venez me la
faire oublier par l'amour où je veux me
mettre.
(E ara legissètz una linha sus doas.)
Responsa d'Alfred de Musset :
Quand je mets à vos pieds un éternel hommage
Voulez-vous qu'un instant je change de visage ?
Vous avez capturé les sentiments d'un cœur
Que pour vous adorer forma le Créateur.
Je vous chéris, amour, et ma plume en délire
Couche sur le papier ce que je n'ose dire.
Avec soin, de mes vers lisez les premiers mots
Vous saurez quel remède apporter à mes maux.
Bien à vous, Eric Jarrigeon
Responsa de George Sand :
Cette insigne faveur que votre cœur réclame
Nuit à ma renommée et répugne mon âme.
(Ara, sai pas se son vertadièiras...)

05/05/2010

Plan nommats

Aqueste matin, òm nos ditz que Michèle Laroque, ara qu'es amb Barouin lo ministre del budget, va tornar menar l'argent de sas talhas en França (èra estacada a La Vegas). Gausar far partida d'aquela operacion umanista quand òm paga pas sas talhas en França me sembla pel mens dobtós. Vese qu'als Enfoirats i a tanben Johnny (e Dieudonné). Una question, tant qu'i sèm : son pagats ?

02/05/2010

Los amoroses de Mac comprendràn

Òm me ditz dins l'aurelheta que lo simbòl del finder sus Macintosh seriá d'inspiracion rothko-picassenca. E òc !

Soi fan