28/02/2010

Où, los amoroses, ai quicòm per vos !

Aquesta dimenjada, ai descobèrt un endrech fabulós. Se trapa al mièg d'Aubrac, en Tèrra de Pèira (Losèra), entremièg Nasbinals e Maruèjols (sortida 38 sus l'A75). Dins una granja vièlha, Patricia e Laurent an fach 5 cambras d'òstes mai polidas las unas que las altras. E, de l'altre costat de la fenèstra : l'immensitat de l'Aubrac. Plan dedins, plan defòra (amai se ieu i ère la nuèch de la tempèsta...). Laurent (Occitan de Laguiòla) es en cosina (tradicionala) e Patricia ten l'ostal. Cerièira sul chaudèl : Patricia es Catalana. L'inter-regionalitat Occitània-Catalonha somiada per Robèrt Lafònt es aquí, jà. Començan tot juste lor activitat e lor desire de tot còr de capitar. Se volètz far una pausa fòra lo temps, anatz a La Bòria. O regretaretz pas. Anatz furgar dins lor siti (i a tanben la revirada en catalan) : aquí.

Febrièr de 2010

• Vergonha a la mòrt qu'a pres Georges Wilson (paire de Lambèrt e òme de teatre).
• Vergonha a Ahmadinejad, en Iran, qu'a decidit d'enriquir son uranium.
• Òsca a France-Inter qu'a fach una jornada espaeciala per Elisabeth Badinter.
• Òsca a la França (premièr país al monde) qu'a fach sortir la transexualitat de la tièira de las malautiás mentalas.
• Vergonha a la ministra de l'otramar, guadelopeana, que ditz (en campanha per las regionalas en Guadelopa) que susportariá pas que l'argent balhat per la França a l'otramar partiguèsse a la Guiana o a la Martinica. Tot per ieu, res pels altres. Òsca, Madama la ministra de drecha ! Vos balhe son nom (Marie-Luce Penchard) mès la podètz emblidar, amai se la fan pas demissionar. Ai ja dich qu'aquel mot existissiá pas mai.
• Òsca a Obama que reçaup lo dalaï-lama. La China se'n estrangola.
• Òsca a aquelses cercaires franceses que refusan la prima al merit que lor balha l'Estat. La reconeissença simbolica lor sufísiá e la recèrca es un trabalh de còla.
• Vergonha a las presons francesas. Lo presonièr lo mai conegut de França, Jean-Pierre Treiber, i a poscut s'i penjar.
• Vergonha a Cuba qu'a daissat morir un presonièr politic, Orlando Zapata Tamayo, 42 ans, qu'èra en cauma de la fam.

Tempèsta

Cesar 2010

Melhor film françés : Un prophète de Jacques Audiard.
Melhor realizator : Jacques Audiard pour Un prophète.
Melhora actritz : Isabelle Adjani dans La Journée de la jupe (de Jean-Paul Lilienfeld).
Melhor actor : Tahar Rahim dans Un prophète.
Melhora actritz dins un segond ròtle : Emmanuelle Devos dans A l’origine (de Xavier Giannoli).
Melhor actror dins un segond ròtle : Niels Arestrup dans Un prophète.
Melhor esper femenin : Mélanie Thierry dans Le Dernier pour la route (de Philippe Godeau).
Melhor esper masculin : Tahar Rahim dans Un prophète.
Melhor film estrangièr : Gran Torino de Clint Eastwood.
Melhor premièr film : Les Beaux Gosses de Riad Sattouf.
Melhor scenariò original : Jacques Audiard, Thomas Bidegain, Abdel Raouf Dafri, Nicolas Peufaillit pour Un prophète.
Melhora adaptacion : Stéphane Brizé, Florence Vignon pour Mademoiselle Chambon.
Melhora musica originala : Armand Amar pour Le Concert.
Melhor cort-metratge : C’est gratuit pour les filles de Claire Burger et Marie Amachoukeli.
Melhora fòtò : Stéphane Fontaine pour Un prophète.
Melhors decòrs : Michel Barthélémy pour Un prophète.
Melhor son : Pierre Excoffier, Bruno Tarrière, Sélim Azzazi pour Le Concert.
Melhors costums : Catherine Leterrier pour Coco avant Chanel.
Melhor montatge : Juliette Welfling pour Un prophète.
Melhor documentari : L’Enfer d’Henri-Georges Clouzot, de Serge Bromberg et Ruxandra Medrea.

14/02/2010

Sant-Valentin

E òc...


Danièle Darrieux dins "8 femmes".
(Per far rampèu al messatge de Mela ("Bona Sant-Valentin"), al comentari de JP la rapieta e per tornar veire un bocin d'aquel film qu'ai tant aimat.)

13/02/2010

Vist a Milhau

Milhau es pas sul territòri de Lengadòc-Rossilhon mès fa pas res.

12/02/2010

Sosten a mon amiga Agnès, portaira

Cada an, cada ostal reçaup 40 quilòs de publicitats (9 % de la totalitat de las escobilhas ne son). Amb 10 milions d'ostals, aquò fa 40 000 tonas de papièr. Lo tractament de tot aquò costa mai car que lo papièr el-mème. Aquò representa una carga de 110 milions d'euròs per an a la collectivitat (carga qu'adujatz a pagar cada an). Seriá plan que las comunas balhèsson un pega-solet a cada ostal qu'o vòl : mens de pub = mens de fraisses de tractament a pagar... e un solaç per la planeta.
E se lo monde an paur de far de tòrt als portaires, cal saupre que davant 2008 portar la pub lor èra pagat al pes. Ara son tenguts de la portar per res (vos daisse veire çò qu'aquò representa per aquelses que, coma Agnès, son a pè amb un carreton, quante temps que faga). An perdut 1600 € de revengut per an dins aquel afar. Un siti vend de pega-solets : aquí. (Benlèu los poirián far en òc ?)

Nalta-cordura

Esquina de pica-vèrnhes, duèi matin.
(Me caldrà crompar un pè per los fotografiar)

10/02/2010

Aduja !

Lo de drecha sembla èsser un senilh (serin cini) mès lo d'esquèrra, tant rossèl amb una taca negra sul cap ?

Totjorn fisèls jos ma fenèstra

Es qu'avètz ja vist quicòm de pus polit qu'una cardina ? Aqueste matin, n'aviái cinc sus ma fenèstra a manjar las granas de virasolelh. Mès, cal dire que son un pauc aissas e me fan fugir las besengas (las bluas son talament polidetas e pas brica crentosas ara que las ai amigadadas). Dins lo tropelon del jorn, aviái tanben un pica-vèrnhes, una sitèla e un chic rossanèl.

03/02/2010

Catastròfa per la Jet 7

Mès cossí van far, aquel paure monde, per viure sens manjar lors sushis al ton roge ? Ne coneisse qu'an la cosina hight tech amb tot aquò que cal dedins mès que sabon mème pas alucar un forn : lo ser, van crompar de sushis. Talament hype ! La França ven de defendre la pesca al ton roge mès aquò se farà pas que dins dos ans. Domatge. Deviá ben demorar dins un canton un pauc de l'argent que metèrem per salvar una altra profession en dangièr : los banquièrs.

Defòra, Frêche ! o la politica de papà

Ièr a ser, m'aviá ja encanissada quand l'ausiguère que disiá de la mèra de Montpelièr, Hélène Mandroux : "C'est moi qui l'ai inventée ! C'est moi qui l'ai placée à la mairie de Montpellier." Mès, aqueste matin, la videò que publiquèt Chabrot-land me fasquèt córrer lo sang ! L'avètz aquí. Es talament missant qu'òm a enveja de li mandar un deambulador per crònòpòst. Dedicaça especiala dels Catalans e dels Occitans.