09/09/2010

Partença















« La naissénça, promessa de bèla jòia,
L' enfança servada coma una reléquia.

Mas de còps l'enfança es tacada de gris,
D'un gris mai o mens negre mas que lèu sortís.

Lo joventum sovent se'n va a son anar,
Anar nalt, anar bas, degús sap pas gausar.

Lo temps madur met los sòmis en partença,
Lo vejaire urós ven desesperança.

Las pensadas butan a s'encatarinar
Puslèu que de passar son temps a se plorar.

Lo vièlhum arriba enfin, agach alassat.
La mòrt serà la fin, la fin del temps passat. » (J. M.)

6 commentaires:

Florenci Salesas a dit…

Tant la fotografia coma lo poèma son precioses e me fan venir un desir enòrme de tornar a pujar aicí naut en volant ni que siá amb un zeppelin o amb un Sputnik fabricat a l'ostal.

Mas òc, tanben, la sensacion de desesperança que demòra après lo legir es fòrça grand. Fa a pensar que la vida pòt pas servir a res. En aquel sens, segon coma de trist te tròbes te pòdes arribar a deprimir encara mai :( Mas pòt tanben servir coma rason per desvelhar, se rebellar contra lo destin e ensajar de cambiar la situacion un pauc.

Ai un fòrça bon amic qu'a una sòrta de vèrs a l'entèsta de lo sieu blog que me i a fach a pensar. Es un pauc coma l'autra cara opausada del bèl poèma de J.M. ( Se pòt saber qual es J.M. o es un secrèt ? Voli respectar los secrèts mas tanben mercejar la beutat a l'artista que la a creada : passa-li de part miá se pòdes :). Ensajarai de revirar a l'occitan los mots de mon amic lo melhor que pòsca. Tot es aicí tan fantastic que m'arriba lo contrari: primièr me senti uròs mas après, mai lèu me deprimi. Tant de bon totes aguèssem l'astre d'èsser tan eroses en tota la nòstra vida coma ditz el ! Cèrt que i a una part de causas que son responsabilitat nòstra, mas n'i a una d'autras que pas ( cap mainat a demandat nàisser jos una pluèja de pompas en una guèrra, per exemple )


Una enfància erosa.
Una adolescéncia promíscua (*).
Una joenessa reüsida.
Una maturitat serena.
Un vielhèr lucid.
Una mòrt digna.

(Sergi Cámara)

Mercés cossí totjorn, Patricia.

(*) Ai trobat aquel mot en occitan. En catalan, "promiscuitat" vol dire l'estil de vida que fa aquela persona qu'a un fum d'amants :)

Patricia a dit…

Mercé Florenci. Es polit e mai optimista, vertat. :)
Un mot qu'aimi, dins "Partença", es "s'encatarinar". Vòl dire se metre coma una Catarina, beure tròp per una filha. Me disi qu'es polidament dich.

Florenci Salesas a dit…

Tanben avem aquel mot en catalan, en solament canviant una "a" per una "e" :)!

Lo DIEC (diccionari de l'Institut d'Estudis Catalans, doncas lo mai oficial) ditz:

Encaterinar: v, tr. 1 Encapritxar, enamorar, embadalir. ex-Encaterinava els presents amb les seves facècies. 2.intr. pron. Encaterinar-se d'algú, amb algú. Enamorar-se. ex- s'ha encaterinat d'unes arrecades.

(Revirada coma podi:
Encatarinar: v, tr. 1 Encaprichar (sabi pas si se ditz coma aquò), enamorar, embadoquir. Ex- Encatarinava los presents amb las siás badinadas. 2.intr. pron. Se encatarinar de quauquarrés, amb quauquarrés. S'enamorar. Ex- s'a encaterinat d'uns pendents... e ieu pensi, per qué si ditz s'enamorar de quauquarrés posa l'exemple d'uns pendents ? Un pauc trop materialista aqueste amor, non? :)

Florenci Salesas a dit…

Bon, "beure tròp per una filha" es pas exactament ço qu'ai dich, tanben es vertat. Mas va plan melhor beure "amb" que "per" (sonque un café... mas aquò darrièr es pas un comentari linguistic, de segur :)

Abans de partir, desencusa una question. Ont es aquel luòc que sòrt ena fòto, se vos plai?

Mercés plan.

Patricia a dit…

Me soi mal exprimida. S'encatarinar s'emplega aicí per designar una filha que beu tròp. Es vertat que l'alcòl e las filhas son pas bravament apariats, l'alcòl e los òmes tanpauc mès bon...
Per la fòtò... Sabi pas. :) [me caliá un cèl plan negre]

Florenci Salesas a dit…

Ah, d'acord. Non, se tu t'ès explicat perfièchament. Soi estat ieu que, entosiasmat per la semblança, ai sautat sul diccionari e ai fach tota aquela explicacion allucinanta. Es evidentament que encatarinat a un significat fòrça especific en occitan.

Mercés plan, Patricia tanben per la foto :)