21/09/2010

La boèmia

Fa de temps que las aviái relucadas, aquelas rotlòtas a Santa-Aulària d'Òlt, mas gausave pas las anar veire... E pièi, coma la vida fa totjorn plan las causas (hum...), tombère sus la companha d'aquel que las farga e aquela me convidèt a las anar veire, las rotlòtas. Las fan (la companha ajuda son òme) sus comanda e sus mesura. N'i a pas doas que se semblan : la fòrma, lo material, l'estil decoratiu… Es pas de creire ! Podètz metre aquò dins un canton e ne far l'ostal dels amics. Avètz lo drech e i a pas cap de constrenchas de superficia (contràriament a una cabana que deu pas far mai dels 20 mèstres-carrats reglementaris). Un torn de ròda cada an sufís per contentar l'administracion (amai s'es un an en avant e l'annada d'après en arrèr !). M'agrada, a ieu. A de bon. Se ne volètz saupre mai, es aquí.

2 commentaires:

Florenci Salesas a dit…

Es plan agradiu que encara aja artisans coma aqueles que fan de causas que creson en elas, e las fan tan polidas e amb tant de gust per lo detalh. Ai visitat la web tanben. :)

Patricia a dit…

Òc, son polidas... :)