12/09/2010

Claude Chabrol

Duèi Chabrol es mòrt. Aviá 80 ans. Quand ère mai jove, aimave pas plan sos films, que trobave que i a aviá pas sovent de fin... "Non ! Aquò se va pas arrestar aquí ?" E ben òc, aquò s'arrestava aquí. Pièi, lo temps passèt e me metère a aimar son cinemà. Coma per un Lelouch, òm reconeis un film de Chabrol al prumièr còp d'uèlh, tant per lo biais de filmar que per los personatges e lor environament (e los actors : Stéphane Audran, beutat freja excepcionala qu'es estada sa femna - soi mens fan d'Isabelle Huppert - Bouquet, Piccoli…). En mai d'aquò, Chabrol èra un òme engatjat (sabètz cossí aquò m'agrada) e èra totjorn un plaser de lo veire venir sus un platèu de television far la promocion d'un film (lo còp de "la conariá tranquilla" sus Canal + al subjècte de la rolex de Seguéla èra un crane moment). Après Alain Corneau, missant temps pel cinemà francés.

2 commentaires:

merike a dit…
Ce commentaire a été supprimé par l'auteur.
Florenci Salesas a dit…

Es una notícia fòrça trista pel cinèma mondial. Aquel òme faguèt un dels films mai bèles que se son jamai faches: "Le cheval de l'orgueil" un film parlat totalament en Breton. Passa tot a la Bretanha de fins del sègle XIX. Una meravilha que qualque jorn me cal aténher en DVD. La vegèri fa pel primièr còp fa trenta ans enrè e foguèt un còp fòrça fòrt per la miá sensibilitat.

R.I.P. Monsieur Chabrol :(