03/07/2010

Per mon estiu

Me garde totjorn quicòm de bon per marcar mon estiu. Aquò fa qu'après me dise : "Ten, quand anère aquí o aquí, que fasquère aquò e aquò, qu'ère amb un tal o una tala, ère a legir tal o tal libre." L'an passat ère amb Tolstoï, aquest'an soi amb Kerouac (1922-1969).
"Sur la route" sortiguèt en 1957 e nasquèt la beat generation. Los conservators farguèron alara lo mot beatnic (caliá ben, a aquela epòca de guèrra freja, trobar un nom un pauc rus per li balhar una mina pejorativa). Kerouac escriguèt son roman d'una tira, sens cap de capitol, nimai de paragraf, picat a la machina sus un rotlèu fach de fuèlhas de papièr qu'aviá assembladas. Mès, per èsser publicat, li calguèt cambiar fòrça causas e ajustar capitols e paragrafs. Duèi, sortís la version del rotlèu premièr, i cabusse dedins.

6 commentaires:

Anonyme a dit…

Bon vèspre, Patricia,
Coneisses l'òbra de l'escriveire canadenc Jacques Poulain, Volkswagen Blues, inspirada en el roman de Jack Kerouac?

Xavier

Patricia a dit…

Non, coneisse pas mès vau cercar. :)

Patricia a dit…

Comença per :
« Camerado, te balhe la man !
Te balhe mon amor, mai preciós que l'argent,
Te fau present de ieu davant lo presic e la lei ;
Me faràs present de tu ? Vendràs viatjar amb ieu ?
Demorarem ligats tant que viurem ? » (W. Whitman)
Polit.

manjacostel a dit…

Sus la rota . Coma se'n parlèt un jorn sus França Cultura , me diguèri que valia pas gaire , que las analisis èran fòrça complicadas e la volontat de vendre vertadièra . Coma benlèu me soi enganat ,(un còp de mai), e coma lo libre vos agrada fòrça, e que soi un legidor atentiu, del vòstre blòg , de qualitat , alara me lo cal crompar... Acò del Gallimard. A lèu.

Patricia a dit…

:) Alan,
Ne soi pas qu'a la mitat mès cal dire qu'ai de mal a pausar lo libre quand me mete a lo legir, lo ser, defòra. La nuèch que davala me fa arrestar.
A lèu... e atencion a las cachavièlhas !

manjacostel a dit…

Alara me lo cal crompar....