23/07/2010

Julhet de 2010

• Vergonha a la mòrt qu'a pres Laurent Terzieff (nascut a Tolosa en 1935).
• Vergonha al governament que baissa pas lo budget de la Defença (per assajar d'estorrar los deutes publics) e qu'anoncia que va puslèu contunhar de tustar sus la classa mejana.
• Vergonha a Alain Joyandet e Christian Blanc (demissionats del governament per causa que la Premsa a fach sortir que lo prumièr aviá pres un jet privat per anar a una reunion a las Antilhas (mai de 100 000 euròs) e qu'aviá assajat de passar per dessús las leis per abure un permés de bastir sai pas qué dins lo Var, e que lo segond s'èra fach pagar per l'Estat una nòta de 12000 € de cigars) que van tornar trobar lor plaça de deputats còp sec (de mercé una lei de... 2008).
• Vergonha a la mòrt qu'a pres Bernard Giraudeau, 63 ans.
• Vergonha als terroristas d'Al-Qaeda qu'an executat lor ostatge francés, Michel Germaneau, al Mali. Michel Germaneau, 78 ans, èra retengut alai dempièi abrial. Ancian engenhaire, trabalhava per d'associacions que s'ocupan d'escolarisacion e de santat.
• Òsca a la condamnacion a 30 ans de preson de Douch, borrèu Khmèr Rouge, per crimi contra l'Umanitat (15 000 mòrts entre 1975 e 1979).
• Òsca a la fin de la corrida en Catalonha.
[Encara l'afar Bettencourt-Woerth. Ai dich que, se Woerth tombava pas, me fasiái ermita de tant que la poiridura de l'Estat seriá aquí probada.]

7 commentaires:

manjacostel a dit…

Que vòls , ne soi espantat... Mas de que far? .
Son pas verguonhoses los tipes. Son aitals los richasses.
Jamai de vergonha.
Que fasian son trabalh de rics...

Maime a dit…

Nos balharàs l'adreça de ton ermitatge, per far daus romivatges !! :-D

Patricia a dit…

Vau començar per anar a l'Estivada, i seràs ?

Anonyme a dit…

Adiu Patricia,
Arribi pas a m'imaginar que i aja de monde capable de faire talas atrocitats.
Deissa'm te dire qu'es un plaser de legir ton polit blòg en occitan.
Xavier

Maime a dit…

Non, pas ujan. L'an que ven pusleu :-)

Patricia a dit…

@ Xavier : mercé plan e, en mai d'aquò, m'agrada d'o far !

@ Maime : Nos veirem l'an que ven. Veirai la Mèla deman a ser.

Maime a dit…

Potona-la per me ! Te dirà perque vene pas :-D