23/06/2010

Guillon e Porte remandats

Aqueste còp i sèm. Stéphane Guillon a fach son darrièr bilhet aqueste matin sus France Inter. Didier Porte es remandat tanben. Los umoristas coma elses son necessaris a la democracia. Lo patron d'Inter, Jean-Luc Hees, a dich : "Si l'humour se résume à l'insulte, je ne peux le tolérer pour les autres mais également pour moi. Quel patron d'une grande entreprise accepterait de se faire insulter par un de ses salariés sans le sanctionner ?" (Mès, quand parla de "patron", parla d'el o de Sarkozy ?) Lo problèma es que los umoristas son aquí per aquò, siquenon son pas umoristas. Pensatz que Guillon o Porte ne fasián mai que Pierre Desproges dins lo "Tribunal des flagrants délires" o Antoine De Caunes dins "Nulle part ailleurs" ? Non. Se pensatz lo contrari, tornatz-los escotar, veiretz. Aurem lèu pas que de monde coma Michel Drucker, de monde que son aquí pas que per alisar lo poder en plaça. E ieu, aquò me fa cagar. Ieu que coneisse la grilha de France Inter a totas las oras del jorn e de la nuèch, ieu qu'escote pas qu'aquò, duèi, soi plan contristada...
O pòt far son braç d'onor, Guillon, l'onor es de son costat. Mancaràn pas de trabalh, de segur, dins lo privat, mès aquò fa vergonha pel servici public, perdon, pel servici-als-òrdres.
(*E òsca a Stéphane Bern que ditz, a la fin del bilhet de Porte : "Je vous soutiens, Didier." Deuriái escriure "que gausa dire"... Qual sap de qué va far lo personal d'Inter ?) E mercé a JP per la videò.
Lor podètz anar brandir las pelhas aquí.

2 commentaires:

jp la rapieta a dit…

'Nam intrar dins la grilha d'estiu, 'laidonc i a pas de grandas chausas d'esperar, mas, per la rentrada, pense ne pus botjar de França Cultura emai i aguesse 'quí maitot de la gent qu'aime pas de tròp.

Val es lu Eric Besson daus mediàs.

manjacostel a dit…

S Guillon ditz la vertat. Ailas. Qualques còps me diguèri que conflava... E qu'èra la sia vertat d'anarquista. Mas ambe çò que se vei ara , aquò's la prèsa en man de totes los poders. Auèi escotèri Inter , l'emission de la vesprada, la darrièra dabant l'estiu, que se sona, cresi, sabètz los que telefonan per daissar son messatge "l'aurèlha al canton"??? .
E me pareis que d'autres van pas tardar de se faire agantar..