26/05/2010

De l'utilitat de desenrausar una cafetièira

Prene una cafetièira pas plan vièlha mès enrausada. Plan legir lo mòde d'emplec marcat sul saconèl-per-desenrausar-las-cafetièiras vendut amb los coladors. Plan sègre aquel mòde operacional, etapa per etapa : metre la polsa dins l'aiga e lo tot dins la cafetièira, far passar la mitat d'aquel mescladís, arrestar la cafetièira, tornar far partir la cafetièira, escampar çò que sortís, refrescar mai d'un còp amb d'aiga canda.
O fasquère tot plan coma caliá solament, quand volguère emplir d'aiga la cuba de la cafetièira per refrescar lo primièr còp, vegère sortir, jos la cafetièira, tota l'aiga que vojave per endessús...
Resulta : ai una cafetièira nòva e... melhora !

1 commentaire:

Florenci Salesas a dit…

Desiri que la nòva cafetièira visque e que gausiscas de l'aròma del cafè plan d'annadas.

Rèquiem per la pas trop vièlha cafetièira. M'és de grèu. Ma mai sincèra condolença per tant trista pèrda.