18/05/2010

One night in Bangkok

Fa qualques temps qu'assaje de comprene çò qu'arriba alai, legisse un fum de causas mès capite pas a o comprene tot e a me far una idèia. Sabe que i a los Roges e los Jaunes, que los Jaunes son pel rei e que l'armada del rei tusta (e tira) suls Roges (e ieu aime pas quand l'armada tira sul pòble). Mès sabe tanben que los Roges son menats per un tipe qu'es pas brica clar, qu'es pas pus dins lo país, qu'es mai que riche, qu'es estat metut defòra pel poder per çò qu'aviá fach d'afars personals pas plan polits quand èra en plaça mès qu'aquò's el tanben qu'a metut sus pè la securitat sociala e lo salari minimum dins lo país. Sèm a 38 mòrts del costat dels Roges. An demandat una mediacion de l'ONU. Sai pas cossí pòt virar aquel afar… Pertot la libertat se paga car.

1 commentaire:

Digó János a dit…

Ieu tanben ai ensajat de comprene çò que se debana en Tailàndia. Fin finala per nosaltris pensi qu'es de dòl comprene: es pas tan l'ideologia que dessepara los jaunes e los roges (que segon çò que poguèri legir son fin finala totis de dreta): aquel monde son meilèu desseparats per qualis grops de la societat tailandesa son aliats, o per qualis òmes politics estiman -- e tanben de quina region del país venon: los roges representan mai que mai los de l'ubac, los jaunes los de la capitala.