29/04/2010

Retorn al país

La França va tornar a la Novèla Zelanda los caps de Maoris qu'a dins sos musèus (entre quinze e vint caps). Lo Senat a ja presa la decision l'an passat e l'Amassada nacionala o deuriá far lo 4 de mai. Òsca. Ieu, te tornariái ben a l'Egipte l'obelisque de la Concorda (menat a París dins las annadas 1830), mès caldrà far de camin encara (e aquí la lei bioetica se poirà pas plaijar)… Los dos obelisques de Lucsòr èran estats balhats al còp coma present a la França mès pas qu'un fasquèt lo viatge. Lo segond demorèt en plaça e F. Mitterrand lo tornèt oficialament a l'Egipte en 1981.

4 commentaires:

Joan deu Peiroton a dit…

E lo pichon Nicolau, i pas mejan de lo tornar a Ongria?

Maime a dit…

Ben coma es un present de l'Egipte... Per un còp, l'avem pas raubat !!! :-D

Patricia a dit…

@ Joan deu Peiroton : es pas una òbra d'art !
@ Maime : E òc, mas seriá melhor a Lucsòr amb sa bessona, non ?

Joan deu Peiroton a dit…

A tiò! E lo cap de maori, n'es una d'òbra d'art? D'acòrdi, i a una diferéncia entre lo cap del maori e lo pichon Nicolau. Es qu'un bolega encara, pas l'autre.
Lucsòr: soi completament d'acòrdi, sufiriá de la remplaçar per una còpia a la Concòrdia. Deu pas èsser tròp complicat, aquò.