20/03/2010

L'ordinari del monde

Ièr a ser, ère a l'Ostal del Patrimòni de Rodés (plaça Foch)* per escotar Ives Roqueta presentar "L'ordinari del monde" e parlar de son implicacion dins la lucha per la lenga occitana. Nos a legits tres tèxtes del libre (son de tròces de vida). A legida l'istòria de la bona que Frederic Mistral auriá engrossada. Quanta ploma ! Quanta lenga ! Quanta votz ! Un plaser. Amai se sos tèxtes son negres. Lo coneissètz… Ieu, trabalhe amb el (deuriái dire trabalhe per el) de quora en quora e, amai se tròbe que, tot còp, son discors es un pauc dur, l'aime. O me torna plan : quand me vegèt al fons de la sala, me mandèt un poton de la man.
* Se cercatz de libres per crompar, es aquí que vos cal anar.

5 commentaires:

manjacostel a dit…

Oc per crompar los libres ? A l'ostal del patrimòni de Rodés?
Mas qu'escriguèt dins la Despacha, la setmana passada ? consì enriquesir la lenga francesa???
Mas que diguèt de sa lucha per la lenga d'òc? Soi curios de lo saber...

Patricia a dit…

Sai pas, l'ai pas la Despacha... Mès Ives es un rei per la provocacion. Es aital. L'ai dich, son discors es sovent dur, amai pels Occitans qu'assajan de far quicòm. Benlèu que ne voliá tròp, quand èra jove e ara vei qu'aquò's fotut, çò qu'auriá volgut, el... Ieu, soi estacada a el per çò que sabe qu'es bon.

manjacostel a dit…

Consi lo pus grand escrivan de la lenga d'òc pòd nos daissar tombar aital, d'un biais ?
Y Roqueta es lo nòstre Ferrat occitan . Mai que Ferrat que reverta a l'encòp l'Aragon e lo cantaire, Consi o sab pas? Se'n chauta?
Nos daissa tombar. Aquò's la mieuna sentida...

manjacostel a dit…

Mas consi sab pas qu'es un escrivan major per nosautres?
Per de qué parlar de milhorar la lenga fancèsa? Coma se n'avia besonh?
Roqueta vòl pas se mesclar de las lutjas? Alara que sem al caireforc?
Que la question del "mietjorn" e de la "lenga" foguèt pas jamai tant pausada?
Li cal dire que los occitans espèran un sinhe clar de sos poètas e escrivans. Que podon pas se clavar dins sa torre d'ivòri , subretot quand se sona Roqueta. L'òme que portèt tant naut l'idèa occintana...

Patricia a dit…

Farai passar.