05/03/2010

Avètz remarcat ?

Aquò fa quelques temps que me fau la remarca. Lo monde fan pas pus atencion a çò que se passa en defòra de lors parets. Amai dins lo mitan rural, ara. L'altre matin, après la tempèsta, i aviá de bròcas pertot suls camins, amai dins los vilatges, al ras dels ostals. Lo monde an amassat çò qu'èra tombat chas elses mès pas sul camin davant l'ostal. O fan mème pas per elses, per poire passar melhor. Non. Diluns, soi anada dins un vilatge a costat e, al mièg de la carrièira principala, tancada sus un panèu, i aviá una tela de plastic que lo vent aviá butada aquí. I soi tornada passar aqueste matin (divendres) : i es totjorn. De joves, de vièlhs, tota mena de monde passan aquí, a pè, cada jorn e degús a pas avuda l'idèia d'amassar aquela tela. De qu'espèran ? I tòrne tot ara e, se i es encara, m'arrèste, la vos prene en fòtò e l'amasse.
[Alleluia, i èra pas pus ! 5 jorns, quand mème...]

2 commentaires:

jp la rapieta a dit…

Bonjorn,

me faguí la mesma reflesion quante i aguet de la nèvia.
Degun per boifar davant sa pòrta, netiar son bocin de trepador e entau fach, 'ver lu sentiment de viure dins 'na vila brava e poder marchar essegurat, sens 'ver paur de se copar 'na jamba.

Afè, 'quò es pas autrament.

Patricia a dit…

As rason, èra çò mème quand davalèt la nèu...