10/02/2010

Totjorn fisèls jos ma fenèstra

Es qu'avètz ja vist quicòm de pus polit qu'una cardina ? Aqueste matin, n'aviái cinc sus ma fenèstra a manjar las granas de virasolelh. Mès, cal dire que son un pauc aissas e me fan fugir las besengas (las bluas son talament polidetas e pas brica crentosas ara que las ai amigadadas). Dins lo tropelon del jorn, aviái tanben un pica-vèrnhes, una sitèla e un chic rossanèl.

4 commentaires:

jp la rapieta a dit…

Los gentes roias
Sautican dins las branchas...
Per la fotò, t!

jofre a dit…

son plan polits;
ça que la lo chic rossanèl es lo "bruant jaune" ?;
la sitéla coneissi mas qu'es aquo lo pica verhnes?

Patricia a dit…

Oc, lo chic rossanèl es lo bruant e lo pica-vèrnhes es lo tarin.
Ai vist que la sitèla se sona Picarèla blua o Bèca-bòsc sus mon libre "Faune sauvage de l'Aveyron" fach per la LPO-12. Soi pas pro sabente per saupre tot aquò, ieu !

De tot biais, la mòda es al rossèl pel moment sus ma fenèstra !

manjacostel a dit…

Que son polits
Aici ne vesem pas cap. Quitament pas cap de pipachroge . Sonque d'estornèls, d'agaças de merlhatons, e de passerats . E d'autors . E encara pas gaire...
Alara lo Roergue demòra bèl...

Polida fotò Patricia .