29/01/2010

Me pause una question...

Perqué lo monde de Lengadòc-Rossilhon contunhan de votar per Frêche ? Per de monde d'esquèrra, an pas gaire lo gost del cambiament... I a pas degús a costat d'el ? A sai que pas daissat butar qualqu'un mai… Me pense pas qu'es l'òrre antisemita, l'òrre racista que d'unses vòlon o dire, pense puslèu qu'es un sabent que fa de blagas de bistròs (de la mèma mena que las de Charrasse). Mès es vièlh, n'i a sai pas quant de temps qu'es en plaça, a pas gaire de santat, comença d'alassar amb sas blagas a doas balas e, sustot, del vejaire de qualqu'un d'endefòra, es l'incarnacion regionala del poder per clientelisme. A pas quicòm mai a far dins sa vida ? Òm ditz que cadun fa son temps mès el, sembla que vòlga far tanben lo temps dels altres. N'i a tròp, a mon gost, qu'al luòc d'aprestar la seguida per contunhar lo trabalh de lor familha politica, pensan pas qu'a lor persona que lor sembla talament indispensabla. Après elses : lo deluvi.

2 commentaires:

copek a dit…

de bon agachar http://www.agauchemaintenant.fr/Meeting-du-29-janvier

servianes a dit…

Aquò es vertat que lo tipe pareis aganit per s'enquilhar un mandat novèl.Soi d'esquèrra ,màs i a quicom que perdonarai pas jamai al nòstre amic :es de m'aveire panat ,ieu e los que se coneisson dins mon dich, la crotz nòstra e las quatras barras per nòstres fraires catalans, per dire de fargar aquel simbol de septimania que reverta mai que mai la megalomania del sénher de montpelher.
Servianés