31/07/2009

Bella ciao, Iran



Una mattina mi son svegliato
O bella ciao, bella ciao, bella ciao ciao ciao
Una mattina mi son svegliato
E ho trovato l'invasore.

O partigiano porta mi via
O bella ciao, bella ciao, bella ciao ciao ciao
O partigiano porta mi via
Ché mi sento di morir.

E se io muoio da partigiano
O bella ciao, bella ciao, bella ciao ciao ciao
E se io muoio da partigiano
Tu mi devi seppellir.

Mi seppellirai lassù in montagna
O bella ciao, bella ciao, bella ciao ciao ciao
Mi seppellirai lassù in montagna
Sotto l'ombra di un bel fior.

E le genti che passeranno
O bella ciao, bella ciao, bella ciao ciao ciao
E le genti che passeranno
Mi diranno : "Che bel fior !"

È questo il flore del partigiano
O bella ciao, o bella ciao, o bella ciao ciao ciao
È questo il flore del partigiano
Morto per la libertà.

Mercé lo Tam

Aviái legit sul blòg del Tam un tèxte sus René Fallet (aquel qu'a escrich -tanben- "La soupe aux choux") e aquò m'a balhat enveja de tornar agachar d'aqueste costat. Pel plaser d'avure aquò dins ma bibliotèca-de-libres-causits, ai crompat "Georges Brassens par René Fallet" e "Les vieux de la vieille". Lo premièr es un libre d'Amistat granda. Un pecat que vos reviscola de tot tristum. Lo segond, l'ai pas encara legit.

29/07/2009

Larzac 2009

Aqueste ser, sèm montats sul Larzac. I aviá un monde fòl e totjorn un plaser grand pels uns de tornar veire los altres. Coma de costuma, ai crompat de libres... E cossi far quand anatz dins un endrech que totes los libres semblan destriats per vos ? Pas possible. Bové èra a far grilhar la carn, de joves de Montpelièr èran venguts far de musica dins lo teatre de Mont-Redond. Un moment de patz.

Duèi, ai enveja d'ausir aquò...



De mots

E se l'òm passava sa vida lo mai possible a costat de la societat ? A l'agachar.
L'enemic es conifla : crei qu'aquò's naltres, l'enemic, alara qu'aquò's el !
Assage totjorn de far çò que sai pas far, coma aquò aprene a o far.
L'arma es generosa quand òm pren mai de plaser a balhar qu'a reçaupre. 
Vesin : bèstia damatjosa.
Vida, un afar de causida que s'acaba totjorn per : "garric o pin ?"
Perqué ganhar la Luna quand òm pèrd la Tèrra ?
Perqué èstre cultivat quand sufís de barrar lo cais per lusir en societat ?
Soi l'amiga del temps.
La nostalgia, aquò's coma los còps de solelh, aquò fa pas mal sul pic, aquò fa mal lo ser.
Lo nòstre Diu es lo Diu vertadièr. Mès lo Diu dels altres ?
Lo languiment ven de l'uniformitat.
Ai talament caminat, qu'a la fin t'ai trobat.
Se Diu existissiá, seriá una bibliotèca.
Cada lenga vei lo monde d'un biais diferent.
Un polit vèrs a dotze pès e doas alas.
Ai decidit d'èsser urosa per çò qu'aquò's bon per la santat.
Quante coratge que cal, de còps, per causir la vida !
Tant val melhor un missant caractèr que pas cap de caractèr.
D'unses pensan que los altres s'enganan de camin, se jamai seguisson pas lo lor.

25/07/2009

Pas que cent ans


(Lo 25 de julhet de 1909, Louis Blériot crosava la Mancha pel premièr còp.)

22/07/2009

Estivada de Rodés, lo monde d'Òc es aquí !

Nadau, aqueste ser a Rodés

(Rodés, 22 de julhet de 2009, 8500 personas, segon la policia)

Sèi un país e ua flor,
E ua flor, e ua flor,
Que l'aperam la de l'amor,
La de l'amor, la de l'amor.


Haut, Peiròt, vam caminar, vam caminar,
De cap tà l'immortèla,
Haut, Peiròt, vam caminar, vam caminar,
Lo país vam cercar.

Au som deu malh, que i a ua lutz,
Que i a ua lutz, que i a ua lutz,
Qu'i cau gardar los uelhs dessús,
Los uelhs dessús, los uelhs dessús.

Que'ns cau traucar tot lo segàs,
Tot lo segàs, tot lo segàs,
Tà ns'arrapar, sonque las mans,
Sonque las mans, sonque las mans.

Lhèu veiram pas jamei la fin,
Jamei la fin, jamei la fin,
La libertat qu'ei lo camin,
Qu'ei lo camin, qu'ei lo camin.

Après lo malh, un aute malh,
Un aute malh, un aute malh,
Après la lutz, ua auta lutz,
Ua auta lutz, ua auta lutz.

21/07/2009

Julhet de 2009

• Vergonha al governament qu'a metut una letra d'adesion a l'UMP dins la notificacion de la baissa de la TVA als restauradors.
• Òsca a la depenalizacion de l'omosexualitat en Inda.
• Vergonha a la China que tusta ara sul monde del Xinjiang.
• Vergonha a Sarah Palin (la bica qu'èra amb Mc Cain contra Obama) que vòl menar l'America a la grandor... La grandor catolica integrista, mercé non !
• Vergonha al trabalh del dimenge. Quora arrestaràn de crompar ?
• Òsca als regents que refusan de se plegar a de decisions cabordas del ministèri de l'educacion nacionala.
• Vergonha als Franceses que son estats notats piègers toristas del monde. Aquò m'estona pas, quand òm vei cossí vòtan : cadun per son cuol, que lo melhor ganha e èstre los prumièrs pòrcs al nauc.
• Vergonha a l'argent que Johnny Halliday va tocar per èstre suls timbres de La Pòsta.
• Vergonha a aquela mòda de contestar las decisions de justicia, e encara mai quand son de decisions d'assisas.
• Vergonha als 86 % de capitada al Bac en 2009, amb la mitat qu'an la mencion. Aquò's pas una bona novèla.
• Vergonha a aquelses ricasses-que-pensan-qu'a-lor-cuol (e n'i a un fum) que prenon la nacionalitat del Maròc (benlèu que la Suissa es pas pro brancada, ara) per fugir lo fisc francés. N'ai un pas luènh e me fa pietat, a ieu.
• Òsca als embestiaments judiciaris de Gaston Flosse (Polinesia).
• Vergonha a l'ETA que sembla tornar far la colha en Espanha (Burgos, Majorca).
• Vergonha a la mòrt qu'a pres Jean-Paul Roussillon, l'òme de Catherine Deneuve dins "Un conte de Noël", l'amic de Michel Serrault dins "Une irondelle a fait le printemps"...

N'i a 40 ans d'aquí

Fly me to the Moon

18/07/2009

Viscut per un amic

Intermercat. Una femna arriba amb sos tres enfants pichons. Premièr, borra lo mantèl del pus pichon de bonbons. Apièi, t'atapa lo capdet e li te met de fetge gras, de salmon, tot aquò bon. Çò mème per l'ainat. Après, la femna met qualques afars dins son carreton e… cap a la caissa. Aquí te fa passar lo pichon entremièg lo portic. Evidentament, aquò sona. Còp sec, la femna te fot un emplastràs a l'enfanton que l'agacha sens comprene : "N'as pas pro de bonbons a l'ostal, bestiàs ! Lo monde van ben pensar que sèm de panaires…" D'aquel temps, los altres dos son passats. Lo nenon demòra darrèr sa maire que paga çò qu'a dins lo carreton, la man sus la gauta.

16/07/2009

Marc Garanger a Sent-Ginièis d'Òlt

Marc Garanger es expausat duscas a la fin del mes d'agost, dins l'encastre de las Rencontres fotograficas de Sent-Ginièis, a la polida capèla dels Penitents (ancian ofici de torisme). 

The river


Bruce Springsteen es a las Vièlhas Carrugas, aquò me dona enveja de tornar escotar "The river" (1980).

Natalia Estemirova

50 ans, mòrta per la vertat e la libertat en Tchetchenia
e dins lo monde tot,
coma son amiga Anna Politkovskaia.

10/07/2009

G8

Obama, qunta classa !

euh...
(A veire la videò, fin finala, Obama demòra la classa. E Sarkozy "not so clear"...)

Los Turcs de mon vilatge

L'altre jorn, ère a l'òrt (ai una balancèla-amac-amb-teulada que vos convida a far plangièira en mens de tres segondas*) e ausiguère davalar per la carrièira las tres filhas d'una familha turca qu'a fach bastir un ostal dins lo meun vilatge. An entre 8 e 13 ans. Èran totas tres e me vesián pas. Sai pas de qué contavan mès çò que retenguèt mon atencion es que parlavan en francés. Comprene plan que van a l'escòla aicí e que lor a calgut aprene aquela lenga, coma fasèm totes quand nos cal viure endacòm mai. Mès, a ieu, aquò me fa pensar a çò que s'es passat per naltres, Occitans. Perqué suprimir completament lor lenga mairala, la lenga de lor cultura de naissénça ? Aquela lenga mairala deuriá demorar lor lenga de l'intimitat. Una lenga es mai qu'un mejan de comunicacion. Se copar d'una lenga es se copar de bèlcòp, bèlcòp mai. Naltres tanben sèm passats al francés, lo monde an onestament pensat que caliá passar al francés per se'n sortir. Lor an mème metut dins lo cap que lor lenga n'èra pas una, de lenga, qu'èra quicòm de vergonhós. La maja part l'a cresegut. Pichon a pichon, d'una generacion a l'altra los joves an pas pus parlada la lenga d'òc e ara n'i a un fum que la comprenon pas mai. Tres generacions sufisson dins una familha. An mème pas conciéncia de tot çò qu'an perdut en perdent la lenga. Las tres filhas turcas, sai que comprenon la lenga de lors parents, mès lors enfants a elas ?
Las claus, las generacions de davant las an pas totas balhadas a lors enfants. Òrra error ! Quand òm a una riquessa, òm la balha a sos enfants. Doas lengas a l'ostal, amaginatz-vos la fortuna ! Perqué los Franceses son tan coniflas en lengas a l'escòla, de vòstre vejaire ? Per çò que son pas acostumats a soscar dins dos lexics diferents tanlèu nascuts. Tot simplament. Cal ben pagar un jorn d'èstre estat motons.
(* Mela, a doas plaças, la te prestarai quand vendràs amb ton amorós)

09/07/2009

Trabalh del dimenge

« Est-ce qu’il est normal que le dimanche quand Madame Obama veut avec ses filles visiter les magasins parisiens, je dois (sic) passer un coup de téléphone pour les faire ouvrir ? » (N. S.)
Aquò vos encanissa, vos atanben, e ? Ieu, quand ausisse qualqu'un parlar coma aquò, l'enveja me pren de li espeltirar los pèlses per li anar espintar lo morre dins un fomerièr plan fresc ! 

07/07/2009

Lo mai ric del cementèri

Caissa de mòrt en òr, coissin mofle
e pès soslevats per una circulacion melhora.

06/07/2009

La Talvera

Aqueste ser a Sent-Ginièis d'Òlt (12).

Borrèia de l'amor, al secors !

« Se n'aviái una mía,
Que m'aimèssa bièn, (bis)

La vestiriái de roge,
La veiriái de luènh. (bis)

Se n'aviái una mía,
Que m'aimèsse pas, (bis)

La fotriái dins l'aiga,
La fariái negar. (bis) 

Se n'aviái una mía,
Que m'aimèsse pas, (bis)

La vestiriái de palha,
La fariái cremar. »

02/07/2009

Concors de l'estiu

De qu'an de comun
Mahmoud Ahmadinejad, Nicolas Sarkozy e Omar Bongo ? 
(Per vos adujar, picatz aicí.)
Tròp aisit...

Paure monde...

01/07/2009

Fa una calor !

Aquò refresca, non ?
(elefanton nascut lo 1èr de junh a Moscou)

De mots

Tot lo monde vòl viure un bèl briu mès degús vòl pas venir vièlh.
Pòrte de talons nauts per que l'òm arresta de m'embraçar sul front.
Aime los paures mots de cada jorn.
Lo monde es. Sèm.
Veire totjorn lo veire mitat plen.
Lèbres, vo'n pregue, sovenètz-vos del jorn, del jorn famós que la tortuga arribèt davant vos.
Braus negres, donatz-vos lo mot : aquò's pas lo petaç roge que cal trucar.
L'amor de la democracia es davant tot un estat d'esperit.
Tant val melhor pèrdre que se pèrdre.
Lo divendres es lo pus bèl o lo pus fadarèl.
Quand plòu sus Roma, los vendeires de parapluèjas sortisson. E ne crompe un... de parapluèja.
A cada ola son cobertor.
Se vòls l'arca, te cal endurar la pluèja.
Quand los gròsses magrisson, los magres creban.
Aquò's per las pichonas causas que las bèlas se mantenon.
Portar una cagola es coma escriure una letra anonima.
Senhor bèl, cloquièr bèl, riu bèl : tres missants vesins.
I a dins l'òme mai a remirar qu'a mespresar.
Perqué veire lo vicari quand òm pòt veire lo papa ?
Cal pas tròp esperar dels altres.

Pina Bausch, mercé