21/01/2009

La nòvia èra vestida de negre


Avètz aquí una fòtò de maridatge presa dins lo nòrd d'Avairon. 
Es un document, aquela fòtò :
1. - Es presa en plena natura.
2. - La nòvia es vestida de negre.
3. - Al fons, lo cabretaire.
4. - Al fons, a drecha, la cosinièira amb la padena.

05/01/2009

Stéphane Hessel

A la fin de l'annada 2008 avèm sovent ausit parlar de Stéphane Hessel per l'anniversari de la Declaracion universala dels Dreches de l'Òme de 1948. I èra, el, en 48. Es nascut en 1917 a Berlin pièi es vengut en França. Prenguèt la nacionalitat francesa en 1937 e foguèt un resistent de la premièira ora. Es un grand òme. Un umanist. Un òme que caldriá escotar mai, coma Albert Jacquard.
Aquò que l'òm sap mens sus el, es que lo film "Jules et Jim" de Truffaut (1962) conta la vida de sos parents amb Henri-Pierre Roché (que a escrich lo libre).