16/12/2009

Robert Delpire

Robert Delpire es a l'onor aquesta passa a la Maison européenne de la photographie a París, "Delpire & Cie" (seguida de las Rescontras d'Arlas 09). 60 ans de mestièr per aquel òme de l'imatge (fòtò, cinemà, publicitat, edicion, premsa amb la revista "Neuf"). Anatz veire lo siti de son ostal d'edicion, aquí.*
Es el que farguèt aquela colleccion de pichons libres negres sus la fotografia. Veiretz tanben sul siti de causas sus Sarah Moon, aquò's la siá femna. Delpire es un òme d'amistats (Capa, Cartier-Bresson, Riboud...), un umanista (ditz que, se Médecins sans frontières èra estat en plaça quand fasiá sos estudis de medecina, seriá partit aquí dedins), qu'aima lo monde umils, modèstes, pas brica pretencióses. Los descomplexats, aquò's pas son afar, vesètz...
* Se lo Paire Nadal existís, qu'es occitanofòn e que me legís, pòt anar, el tanben, furgar dins aquel siti. Vòle tot.

Aucun commentaire: