07/12/2009

A non !

Lo foot, n'ai pas res a far. Avètz lo drech d'aimar aquò, ai lo drech d'i far pas cas. Seguisse aquò ni de luènh, ni de pròche mès los jornals de la television o de la ràdio que fan lor dubèrtura sus la resulta d'un match de foot an lo don de m'enrabiar. Solament, amai se me'n fote, del foot, d'informacions ligadas al foot m'arriban tot còp. Tornarai pas sul salari dels jogaires qu'es per ieu d'una òrra vulgaritat. En tot, cal saupre rason servar. De luènh e dins los fumses, me sembla que dempièi 98 an pas res ganhat, los Franceses, e me dise que Domenech deu avure qualqu'un de plan poderós a sos costats per lo manténer end es tant de temps. Mès benlèu m'engane... Quand parlèron de la man volontària de Thierry Henry que fasquèt marcar lo but per la qualificacion a la copa del monde, me pensère : "Gals, deuriatz un pauc baissar lo cap !" Çò que fasquèt pas Domenech, me sembla... E duèi, de qué te legisse ? Que Domenech auriá tocat 826 000 € per la qualificacion de la França ! Quant li tòrnan prene se perdon ? End van anar coma aquò ? Encara de descomplexats.

Aucun commentaire: