21/12/2009

Decembre de 2009

• Òsca al libre "Ma vie, mon œuvre, mon scooter", falça autò-biografia de Jean Sarkozy que ven de sortir, amai s'es anonima. Quand òm se mòstra ridicul, se cal pas plànger d'èsser ridiculizat.
• Vergonha a la volontat d'ensenhar l'istòria-geògrafia pas qu'en opcion en terminala S. Ajustarai que caldriá tanben cambiar lo biais de contar l'istòria de França als escolans. "Perqué m'an pas dich a l'escòla ?"
• Vergonha a la Russia (en Tchetchenia) e a la Birmania que semenan encara de bombas pel campèstre.
• Òsca als policièrs que gausan manifestar contra la politica de las chifras.
• Òsca a la capidada de la manifestacion (organizada sus internet) contra Berlusconi a Roma (350 000 personas).
• Vergonha a ieu que soi pas anada que 6 còps al cinemà en 2009.
• Vergonha a la França qu'a encara gausat metre 9 Afgans dins un charter.
• Vergonha a lo qu'a panat l'inscripcion "Arbeit macht frei" qu'èra a la dintrada d'Auschwitz-Birkenau en Polonha.
• Òsca a la Una del Canard Enchaîné "Johnny à son réveil : Ah que j'ai eu peur. J'ai cru que c'était une hernie fiscale !".
• Òsca a l'idèa de Corinne Lepage d'un Tribunal penal internacional per jutjar los reponsables de catastròfas ecologicas.
• Vergonha al papa Beneset XVI que va beatificar Pie XII, aquel qu'èra papa de 1939 e 1958 e que daissèt partir un tren de la gara de Roma per Auschwitz en 1943, sens dire mot. Lo n° XVI s'es dich contra la dubèrtura dels archius del Vatican d'après 1939. Mès el i pòt anar furgar dedins... Vòl tanben beatificar Joan-Paul II que, per ieu, es aquel qu'agèt una politica criminèla en defendent lo preservatiu en Africa ont lo sidà fa de mòrts a molons.
• Vergonha al Cambodge que liura 20 Ouïghours (amb 3 enfants) a la China. 7 d'aquelses aurián manifestat al mes de julhet (197 mòrts pièi 13 condamnats a mòrt). Òm sap çò que los espera... E alara, Kouchner, complici del retorn forçat de nòstres Afgans, disètz pas res ?
• Vergonha als enfants sadols de la Tèrra que, a Copenhague, se son pas sentits de far quicòm pel paure monde que va endurar çò premièr lo cambiament de climat. Son pas pro menaçats... encara.
• Vergonha a Al Qaida qu'a volgut far petar l'avion Amsterdam-Detroit.
• Vergonha a la China qu'a executat un ciutadan britanic per trafec de dròga.
• Òsca al pòble iranian que manifesta e vergonha al poder que contunha de li tustar dessús.
• Vergonha a la Tailanda que tòrna 4200 Hmongs al Laòs, país qu'an fugit n'i a 5 ans.
• Vergonha als 76 jornalistas tuats en 2009 (RSF), 113 segon la FIJ.
• Òsca al Conselh d'Estat qu'a invalidat, en partida, lo fichièr Eloi suls estrangièrs percaçats.
• Vergonha a aquelses qu'an pres en otatge dos jornalistas de França 3 en Afganistan.

Aucun commentaire: