30/11/2009

Puta de cat ! (bis)

Contèxt :
Ieu : a escriure amb mon ordenador.
Lo cat : jagut sus mas fuèlhas, al ras (los cats se jason totjorn sus las fuèlhas).
Ieu : a tornar legir çò qu'aviái escrich (escriviái a La Mela) e a cercar la mirga de la man drecha per contunhar.
Lo cat : a monarejar (los cats monarejan totjorn quand son jaguts sus de fuèlhas).
Ieu : a m'enganar e a agantar la pata del cat en plaça de la mirga.
Lo cat : a monarejar pas mai e a me fotre un raissal sus la man.
Ieu : puta de cat !
Moralitat : entre la mirga e lo cat, se cal pas enganar. De soscar.

3 commentaires:

manjacostel a dit…

Solide Patricia que cal pas s'emmesclar. La meuna gata vonvonèja a costat de ieu, sus una fuèlha , o lo jornal , o un vestit , subretot quant es linde e pròpret ,( qu'engarça la femna) e que li pare la man per l'alisar que sul pic , m'aganta o me grapinha ...
La gata m'aima plan , subretot qu'aquò's ièu que li dona la manjiscla...
Mas qun caractèri ...
Un còp manquèt de crevar l'uèlh de la meuna esposa . E que s'acabèt a las urgéncias.
Un cat aquò's pas çò meteis...

Patricia a dit…

Mon catàs a 15 ans e crese que me caldrà totjorn un cat. Es lo rei dels salts de pagina, qu'arresta pas de se fretar la gauta al canton del clavièr !

manjacostel a dit…

Nosautres n'aviam dos. Un cat polid e corajos que se sonava grigri.
L'autra que se sona "petita" .
Lo grigri dispareguèt , subte , quand nos faguèron una rota nova. Crèsi que son los obrièrs que lo tuèron, benlèu per lo manjar. O alara lo canhas dels vesin que l'asirava. Un can frances de raça "beauceronne ". De mai de cinquanta quilòs.
L'autra , la petita , la trobèrem , al retorn d'un viatge en Corsa, qu'estajava lo garatge ont nos avia catonat tres pichons, paura ela.
Que me tombèt la carga de los menar al veterinaire . Vist qu'a l'epòca n'avia un autre cat que se sonava saxo. Un amor de cat vièlh e malaut , que ne'n voliam pas d'autres . E los tuèri d'un biais los catonèls. Se tròba que la petita venguèt salvatge e vièlha. Venguèt caluga de ma fauta. Mas m'aimi pas que ieu , qu'es pas de creire que li dona lo minjar. E subretot que cerci pas jamai de la trapar e de l'alisar , que pòt pas s'endurar las alisadas e autras sicramèas .
Una crana cata d'un biais.
Que t'aganta qualques còps per ta pena.