04/11/2009

Guillaume Thomas Raynal (1713-1796)

L'abat Raynal, nascut a La Panosa de Severac (entremièg Milhau e Rodés) pièi ligat a Sent-Ginièis d'Òlt, amic de Diderot, es l'autor de Histoire philosophique et politique des établissements et du commerce des Européens dans les deux Indes (tres còps trabalhat e reeditat), libre de mai en mai dubèrtament contra lo colonialisme e contra la monarquia. Talament que, coma Voltaire, deuriá fugir la França e, coma Voltaire, se sarrarà de Guilhaume II de Prussa pièi de Catarina II de Russia. Sa batèsta : la Libertat ( "A qui, barbares, ferez-vous croire qu'un homme peut être la propriété d'un souverain, une femme la propriété d'un homme, un nègre la propriété d'un colon ?"). En 1791, mandarà una letra a l'Amassada nacionala : "J'ai parlé aux rois de leurs devoirs, souffrez qu'aujourd'hui je parle au peuple de ses erreurs." Coma èra ja vièlh, lo copèron pas en dos.
Exposicion sus l'abat Raynal dusc'al 20 de novembre a l'ostal de comuna de Rodés.

2 commentaires:

jofre a dit…

fa de ben de veire que de tots temps i a agut d'omes coratjos per defendre d'ideias justas

Patricia a dit…

E òc ! Aimariái plan de saupre s'a crosat lo camin de Voltaire. Segurament... Gilles Bancarel a escich sus el, vau assajar de trapar aquò.