04/11/2009

Catastròfa !

Quand òm vos fa un present, gardatz lo present qualques temps al mens, non ? Ieu, m'avián balhat un lum a òli (plen). Coma èra pas tampat a la cima, que l'afar que teniá la meca èra juste pausat sus la "botelha", l'aviái sarrat dins un canton, sus un mòble de ma cambra e fasiái plan atencion de lo far pas jamai trantolar. Ièr a ser, qu'ère a legir de causas sus Lévi-Strauss, tot en un còp, t'aussisse lisar mos libres tròp bèlses per dintrar dins la bibliotèca qu'èran quilhats de l'altre costat del mòble, contra un altre mòble. Aquò fasquèt coma un castèl de cartas : los libres fasquèron tombar los quadres de fòtòs, los quadres de fòtòs butèton la vaca que me servís de sarra-libres, la vaca anèt petar contra lo lum a l'òli que... se versèt ! L'òli s'espandiguèt pertot sul mòble, amai rajolèt darrèr. Problèma : lo mòble es una bibliotèca comola de libres... Vos daisse amaginar la seguida e mon estat d'esperit. Totes mos Sempé son fotuts. Tacats per totjorn. N'ai plorat. Moralitat : sètz pas totjorn oblijats de gardar los presents qu'òm vos fa.

8 commentaires:

Joan deu Peiroton a dit…

Compatissi! Se pòdon remplaçar, los Sempe, o son d'edicions acabadas?

Patricia a dit…

Non, son pas de libres rares mès son los meuns... Sabes que cada libre de ma bibliotèca es plan causit, plan aimat e plan coconat. Es ma cava a ieu, ma fortuna bastida pèça per pèça, dapasseton. Se me dònas la causida entre un joièl e un libre que m'agrada : prene lo libre ! [Se lo libre m'agrada pas, demande se òm pòt pas lo cambiar !]

Mela a dit…

Ai paurota!!!!
Bon, los libres, ara, te los cal far secar, pompar l'oli.
vertat, son tacats. Mas ara an una istoria... contaràs lo jorn que de tant de libre squ'as que tombèt patin cofin e contaràs l'istoria...
oè, soi una optimista...

Patricia a dit…

Mercé los amics... Snif...

jp la rapieta a dit…

Per los Sempé, ai dos eisemplaris dau « sauve qui peut » (folio n°81, datat de 1972).

Que mon rat a totjorn 'gut la bona eidèia de tombar l'aiga sus los cedes.

Patricia a dit…

Rat o cat ?

Jp la rapieta a dit…

Un rat~una rata, mas ieu aviá un goiat.
'Tencion, quo es un de qu'ilhs pitits rats minhards que fan paur aus margauds ; aquò es 'ribat chas mos parents ente dau temps de las vacanças lu chat vòuguet jamai intrar dins la meijon tant que lu rat i eriá.

Eulalie Jolie a dit…

Désolée...