16/10/2009

Aviá rason, lo poèta...

Un jorn, un poèta occitan (conegut) me parlava d'un tipe (conegut tanben) qu'èra con mès "talament con qu'ères forçat d'èsser espantat per sa conariá." (Non, vos balharai pas de noms !) Sovent, quand legisse la premsa, vau far lo torn de totas las sensibilitats politicas per me far una idèia*. Tot ara, vau sul siti del Figarò (polit e plan clar, o cal dire) e te vese, sus l'afar Jean Sarkozy : "Ce n'est pas mon fils qui est visé, c'est moi." E dejóst : "L'éditorial d'Etienne Mougeotte". Etienne Mougeotte que vòl parar Sarkozy, es pus fòrt que ieu (pense al mot de mon poèta), clic, i vau. Aviá rason, lo poèta, soi vertadièirament espantada per tant de conariá. Sul cuol. I a aquí dedins a pus près tot çò que cal per m'encanissar. Aqueste ser : Aubrac. Jutjatz-ne (aquí).
[10 oras après : veire los comentaris. E l'editò a desaparegut del siti. Moralitat : soi la mai granda analista-politica occitana del monde ! "Vantacion de siu…"]
*Quand dise que vau legir lo Figarò, parle principalament de politica estrangièira, per çò que, per la politica francesa, sai ben pro de qué trobar dins lo Figarò.

3 commentaires:

manjacostel a dit…

Una idèa...
Que siatz jornalista coma crèsi?
Que deuriatz vos amassar totes los jornalistes per donar lo prèmi, coma una mena de "Pulitzer" &l jornaliste franchouillard , lo mai leca-cuòl de l'exagòna e de la còla ...
Non?
Mas que son tant nombroses que serià as possible?
Amistosament

Maime a dit…

L'editò es tornat ! Lo tròbe plan bien 'quel editò. Qu'era bien 'queu tipe qu'avia explica que son trabalh a TF1 era de vendre dau temps de cerveu disponible per Coca-Cola ? E aura, los escervelats fan cagar lo monde que trabalha au salut de la França mai dau capitalisme ? Sem dau monde serios aqui ! Coma lo Putin ! euh... Non ! coma l'Obama e lo Lula !

Aprep lo Coca, nos a vendut lo Sarko. Aura, si sem pas contents, qu'es parier ! Lo faulia pas 'chaptar... euh... elegir ! La diferéncia entre Mougeotte e los autres, es que Mougeotte crenh pas de mostar son mespretz per la pleba...

Patricia a dit…

E ara lo Douillet... Sèm plan pantits...