19/08/2009

Lo jornal de Loisa Paulin

« J'aime ma vie parfaitement solitaire, c'est-à-dire parfaitement libre. »
Lo jornal de Loisa Paulin (1888-1944) es escrich en francés. Data d'un temps qu'aviá pas encara començat d'escriure en òc. Es un viatge en Catalonha que li dubriguèt los uèlhs sus sa cultura e sa lenga mairala.
La mòrt li prenguèt sos tres enfants pichons, pièi, amb son òme, divorcèron. Sola, s'apassionèt per la natura, las letras (aimava sa bibliotèca-de-libres-causits mai que tot) e la musica classica. Benlèu que crosèt lo camin d'Emma Calvé (1858-1942) ? Per malastre, una malautiá li prenguèt la vista pichon a pichon e finiguèt per la prene ela a 56 ans. Ai descobèrt aquí una femna talament fòrta ! Una solitària, una femna liura. La me caldrà anar veire... Vos ai metut una breçairòla de Loisa Paulin n'i a qualques temps. L'avèz aquí.

3 commentaires:

manjacostel a dit…

Oc una femna que trapèt de premis de poesia de pertot en françès e en òc. Una femna pas tan liura qu'aquò, tre que tombèt amorosa d'A Perbosc, qu'el despartava pas son amor...E li fisava sos textes de tapar e de corregir...
Se ne'n cresi lo libre de correspondéncia editat per Vent Terral ...
Amistosament

Patricia a dit…

Dins las annadas del jornal (1925), èra liura e assaja d'o demorar. Lo me caldrà crompar, aquel libre de correspondéncia Perbòsc-Paulin. Mercé !

Tam a dit…

es una polida lucha de femna. E sa poèsia es forta forta.