18/07/2009

Viscut per un amic

Intermercat. Una femna arriba amb sos tres enfants pichons. Premièr, borra lo mantèl del pus pichon de bonbons. Apièi, t'atapa lo capdet e li te met de fetge gras, de salmon, tot aquò bon. Çò mème per l'ainat. Après, la femna met qualques afars dins son carreton e… cap a la caissa. Aquí te fa passar lo pichon entremièg lo portic. Evidentament, aquò sona. Còp sec, la femna te fot un emplastràs a l'enfanton que l'agacha sens comprene : "N'as pas pro de bonbons a l'ostal, bestiàs ! Lo monde van ben pensar que sèm de panaires…" D'aquel temps, los altres dos son passats. Lo nenon demòra darrèr sa maire que paga çò qu'a dins lo carreton, la man sus la gauta.

1 commentaire:

manjacostel a dit…

plan jogat non? O missanta accion?
Mas que se de paures pòdon minjar de fetge, de caviar , que vòls aquò's que la vida pòd èstre bèla.
E cadun sus la Tèrra ten lo drèch de somiar de fètge e de Lenga Occitana.
Levat que somia pas gaire de Lenga benlèu?