01/05/2009

Breçairòla per la nena (Loisa Paulin)

« Direm pas a la nòstra nena
Que i a tant d'estelas al cèl :
Voldriá pas mai clutar son uèlh !
Direm pas a la nòstra nena
Que i a tant d'estelas al cèl !

Direm pas a la nòstra nena
Qu'amont-naut cantan los ausèls :
Voldriá pas mai clutar los uèlhs !
Direm pas a la nòstra nena
Qu'amont-naut cantan los ausèls !

Direm pas a la nòstra nena
Qu'ençaval nos cal tant plorar :
Se voldriái pas desrevelhar !
Direm pas a la nòstra nena
Qu'ençaval nos cal tant plorar !

Mas direm a la nòstra nena
Que canta coma los ausèls :
Que nòstre cèl es dins sos uèlhs,
E que, se vòl durmir, la nena,
La farem Reina dels Angèls ! »

2 commentaires:

Florenci Salesas a dit…

Ièr, a la classa d'occitan, aici a Barcelona, escoteri aicesta cançon polida que ai fallit enamorat instantaniament en ella, e fins ai plorat. Que bèla!

Mercé plan, e perdonètz mon paubre occitan.

Un amic catalan, que aima la vostra lenga, maire de bèlas lengos.

Patricia a dit…

Mercé. Mès que vòstre occitan es plan coma cal ! E òc qu'es polida, aquela breçairòla...