26/04/2009

Mas nuèches amb Macha

Ieu, ai totjorn aimat de trabalhar la nuèch e, quand lo trabalh que fasiái me permetiá d'escotar la ràdio, de mièjanuèch a una ora del matin, la votz de Macha Béranger dintrava dins l'ostal. Me sovene qu'un jorn un òme l'aviá sonada d'una cabina telefonica de Niça e li contava que, pel premièr còp, anava dormir defòra. Li contèt cossí n'èra arribat aquí, lo seun malastre. Del temps que parlavan totes dos, qualqu'un venguèt tustar a la pòrta de la cabina, qualqu'un que veniá prepausar una cambra. Aquí lo monde coma l'aime.
Duèi, es mòrta a 68 ans e vos mete aquí la seuna darrièira emission sus Inter, la del 29 de junh de 2006. Quand òm sap qu'es mòrta, mens de 3 ans après, "d'una longa malautiá" aquò's un pauc trebolant... 
Barbara e Claude Nougaro ("Insomnie") avián escrich per ela.
Picatz aquí per escotar l'emission : 

3 commentaires:

leaky sparrow a dit…

Thanks and mille merci !

jp a dit…

Bonjorn,
ai auvit mai d'una vetz la macha dins lu pòste, la nuech. mai d'un còp me sei un pauc mocar, mai d'un còp ai purat perqué las istòrias contadas eran plenas d'emocion.
marci per aqueu bilhet

Anonyme a dit…

Vos ai vista a la television dimenge matin, òsca per la vòstra prestacion ! E l'Aubrac qunt polit endrech !