22/03/2009

Pomairòls


Canton de Sent-Ginièis d'Òlt.

Per la trobar : anatz dins lo vilatge de Pomairòls (castèl del sègle XV) e levatz lo cap. Aquò's un calvari e vos cal sègre las croses de boès. A la debuta, l'òm a l'impression de dintrar dins una cort d'ostal mès aquò's lo bon camin. Atencion, aquò's traversut !

Aquela capèla foguèt bastida en 1789 per una familha Massabuau. En 1880 èra roinada e la tornèron bastir.
En tornent davalar, ai trobada una pichona mameta de 91 ans, la darrièira aubèrgista de Pomairòls, que me parlèt naturalament dins la lenga del país. Me diguèt que, dins lo temps, i fasián una procession lo dijòus sent. Sai pas cossí fasián los vièlhs per arrapar aquela carrièireta…

2 commentaires:

manjacostel a dit…

Aquèl ròdol coneissi un pauc, mas pas la capeleta . Qu'i soi anat pescar lo riu de La Torre, lo de La Bolesc. e encara mai Olt qu'es polid en bas.
Patricia seria aimable de mostrar lo canton dels campairols ...
Osca per aquèl blòg.

Patricia a dit…

Per ara, aquò's tròp sec pels campairòls ! Quand serà ora, ne farai un messatge amb una polida fòtò !