23/03/2009

Paul Gayraud, fa 15 ans duèi

Duèi, lo 23 de març, fa quinze ans que Pau de Gairaud (1898-1994) es anat trobar lo Grand Capolièr. En 1979, disiá : "Se lo Grand Capolièr me prèsta encara qualques ans sens repapiar mai, sortirai altres dos romans, s'aquò's pas tres." 
Èra de Severac lo Castèl (12) e aviá tanben un ostal a Vimenet.
Ieu, l'ai conescut, que veniá despertinar a cò de la siá cosina Adriana, al ras del meun ostal. Mès las causas d'òc èran pas encara vengudas devas ieu. E venguèron a ieu, las causas d'òc. E me metère a legir Molin, Bodon, Calelhon e... Pau de Gairaud, sens saupre que lo Pau de Gairaud que veniá despertinar lo dimenge èra aquel qu'escriviá los libres en òc... O sachère qu'èra ja mòrt.
Se ne volètz saupre mai sus el, anatz veire aquí : 

2 commentaires:

manjacostel a dit…

Sul siti de Severac dison que lo Pau de Gayraud èra milhor escrivan que Bodon...
Ièu, savi pas de que ne pensar, que los aimi totes dos....

Patricia a dit…

Gairaud èra plan en avança (una maire pòt pas èsser exemplària, parla d'omosexualitat...). Es un autor fòrça interessent. Ives Rouqueta aima plan Gairaud. E pièi, se tenguèt talament drech pendent la guèrra ! Respecte. El que li mancava lo braç drech a causa de la premièira...